“Uzbekistan GTL”da tajriba almashinuvi bo‘yicha seminar o‘tkazildi.

2026-yil 17-aprel kuni “Uzbekistan GTL” MChJda ishchi-xodimlar uchun tashkil etilgan ovqatlanish tizimiga bag‘ishlangan o‘quv-seminar bo‘lib o‘tdi.

Seminarda “O‘zbekneftgaz” AJ birlashgan kasaba uyushma qumitasi boshchiligida boshlang’ich kasaba uyushma xodimlari va zavod boshqarmalarning ma’sul xodimlari ishtirok etdi. Tadbir davomida “Uzbekistan GTL”da joriy etilgan issiq ovqat bilan ta’minlash tizimi taqdim etilib, uning amaliy jihatlari muhokama qilindi.

Seminar jarayonida ishtirokchilar o‘zaro tajriba almashib, mazkur tizimni boshqa korxonalarda qo‘llash imkoniyatlari yuzasidan taklif va tavsiyalar bildirdilar.