Xodimlar va ularning oila a’zolari uchun mazmunli dam olish tashkil etilmoqda

“O‘zbekneftgaz” AJ Birlashgan kasaba uyushmasi qo‘mitasi tomonidan jamoaning dam olishini mazmunli tashkil etishga qaratilgan amaliy ishlar izchil davom etmoqda.

Jumladan, yozning dastlabki oyidan boshlab “O‘zbekneftgaz” AJ Markaziy apparati xodimlari hamda ularning oila a’zolari uchun Toshkent viloyatida joylashgan oromgohlarga har haftaning dam olish kunlari sayohatlar tashkil etilmoqda.

Ushbu tashabbus xodimlarning bo‘sh vaqtini samarali o‘tkazishi, oilaviy muhitda suhbat va hordiq chiqarish imkoniyatini kengaytirish, shu bilan birga mehnat samaradorligi va jamoaviy ruhni mustahkamlashga xizmat qilmoqda. Zero, xodimning ishdan tashqari vaqtini mazmunli tashkil etish, uning oilaviy xotirjamligi va ruhiy ko‘tarinkiligini ta’minlash korxona samaradorligiga ham bevosita ijobiy ta’sir ko‘rsatadi.