Joriy yilning 10–11-aprel kunlari “Yangi Angren IES” AJning 60 nafar ishchi-xodimlari Sohibqiron Amir Temur tavallud topgan kuni munosabati bilan Samarqand shahriga tashrif buyurishdi.

Mazkur sayohat davomida ishtirokchilar buyuk sarkarda va davlat arbobi Amir Temurning boy tarixiy merosi, uning bunyodkorlik ishlari hamda temuriylar davriga oid muqaddas qadamjolar bilan yaqindan tanishdilar. Xususan, ular Amir Temur maqbarasi (Gur-e Amir), Registon maydoni hamda Shohi Zinda majmuasi kabi tarixiy obidalarni ziyorat qildilar.

Tashrif davomida xodimlar uchun madaniy hordiq chiqarish, jamoaviy muhitni mustahkamlash va milliy qadriyatlarimizga bo‘lgan hurmatni yanada oshirishga alohida e’tibor qaratildi. Ushbu sayohat ishtirokchilarda katta taassurot qoldirib, ularning tariximizga bo‘lgan qiziqishini yanada oshirdi.

Bunday ma’naviy-ma’rifiy tadbirlar jamoada birdamlikni kuchaytirish, xodimlarning dunyoqarashini kengaytirish hamda ularni milliy merosimiz ruhida tarbiyalashda muhim ahamiyat kasb etadi.