Issiqko‘lda O‘zbekiston kasaba uyushmalari harakatining 120 yilligiga bag‘ishlangan xalqaro seminar-trening bo‘lib o‘tdi.

O‘zbekiston kasaba uyushmalari harakatining 120 yilligiga bag‘ishlab, “Yurt taraqqiyoti yo‘lida birlashaylik” shiori ostida Qirg‘iziston Respublikasining Issiqko‘l viloyatida joylashgan “Bo‘ston resort” dam olish maskanida 2025 yilning 7–13-avgust kunlari xalqaro seminar-trening o‘tkazildi.

Ushbu tadbir O‘zbekiston kasaba uyushmalari harakatining 120 yilligiga bag‘ishlangan bo‘lib, O‘zbekiston energetika, neft-gaz va geologiya xodimlari kasaba uyushmasi Respublika Kengashi hamda Qirg‘iziston Respublikasi energetika va elektrotexnika sanoati ishlab chiqaruvchilari kasaba uyushmasi bilan hamkorlikda tashkil etildi.

Dastur doirasida o‘tkazilgan tadbirlar

Seminar-treningning dastlabki kuni ishtirokchilarni kutib olish, ro‘yxatdan o‘tkazish hamda “Bo‘ston resort” pansionatiga joylashtirish ishlari amalga oshirildi. Shuningdek, tanishuv va yo‘riqnoma mashg‘ulotlari o‘tkazildi.

8-avgust kuni seminar-treningning rasmiy ochilish marosimi bo‘lib o‘tdi. Unda kasaba uyushmalari faoliyatiga oid ma’ruzalar tinglanib, turli sessiyalar doirasida mashg‘ulotlar tashkil etildi.

Seminar davomida ishtirokchilar uchun madaniy-ma’rifiy va sport tadbirlari ham tashkil yetildi. Xususan, 9-avgust kuni “Kanion ertagi” tog‘ tizimlariga, 10-avgust kuni yesa “Barsakon darasi” va sharsharaga sayohat uyushtirildi. Bundan tashqari, pansionatda turli sport musobaqalari va intellektual o‘yinlar ham o‘tkazildi.

12-avgust kuni seminar-treningning yakuniy qismi bo‘lib o‘tdi. Unda ishtirokchilarga sertifikatlar topshirildi. Shuningdek, O‘zbekiston va Qirg‘iziston kasaba uyushmalari o‘rtasida futbol bo‘yicha do‘stlik uchrashuvi o‘tkazildi.