Muqaddas oyda ezgulik davom etmoqda

Ramazon — ezgulik va saxovat oyi. Shu munosabat bilan «Hududiy elektr tarmoqlari «AJ Energosavdo filiali jamoasi tomonidan ehtiyojmand xodimlarga oziq-ovqat mahsulotlari yetkazib berildi.

Bu xayrli ish muborak oyda mehr-muruvvat va insoniylik fazilatlarini yanada yuksaltirishga xizmat qilmoqda. Ramazon inson qalbini poklab, odamlar o‘rtasida mehr va birdamlik rishtalarini mustahkamlaydi.

Shuningdek, filial jamoasi tomonidan nafaqadagi xodimlar holidan xabar olinib, ularga alohida e’tibor va ehtirom ko‘rsatildi.

Bunday e’tibor xodimlar qalbida minnatdorlik uyg‘otib, jamoada o‘zaro hurmat va birlikni yanada mustahkamlamoqda.