Faxriylar kengashining kengaytirilgan yig‘ilishi bo‘lib o‘tdi

“Issiqlik elektr stansiyalari” AJ Faxriylar kengashining navbatdagi kengaytirilgan yig‘ilishi tashkil etildi. Unda Sirdaryo IES filiali bo‘yicha Faxriylar kengashi vakilining 2026-yilning o‘tgan 5 oyi davomida amalga oshirilgan ishlar yuzasidan hisoboti tinglandi.

Yig‘ilishda Sirdaryo viloyati “Nuroniylar” jamg‘armasi raisi O‘tbosar Abdiyev, mas’ul mutaxassislar hamda nuroniy ustozlar ishtirok etdi. Tadbir davomida Faxriylar kengashi tomonidan o‘tgan davrda bajarilgan ishlar sarhisob qilinib, kelgusidagi ustuvor vazifalar va rejalar muhokama etildi.