🌙 Mehr-sahovat – oliy qadriyat

Xalqimizga xos bo‘lgan mehr-oqibat, saxovat va hamjihatlik tuyg‘ulari ayniqsa qutlug‘ ayyomlar arafasida yanada yaqqol namoyon bo‘ladi. “Hududgaz Toshkent” gaz ta’minoti filiali Boshlang‘ich kasaba uyushmasi tomonidan ishchi-xodimlarning ijtimoiy manfaatlarini himoya qilish, ularni moddiy va ma’naviy qo‘llab-quvvatlash doimiy e’tiborda.

​Ulug‘ ayyom – “Qurbon hayiti” munosabati bilan tizimda mehnat qilayotgan ehtiyojmand, nogironligi bo‘lgan, boquvchisini yo‘qotgan oilalar vakillari hamda nafaqadagi faxriylar holidan xabar olindi. Tadbir doirasida bayram dasturxoniga mos ravishda 14 turdagi oziq-ovqat mahsulotlaridan iborat 80 dona moddiy yordam to‘plamlari o‘z egalariga topshirildi.