“Energetik” bolalar sog’lomlashtirish oromgohida zukko bolajonlar o’rtasida Zakovat intelektual o’yini o’tkazildi

“Energetik” bolalar sog’lomlashtirish oromgohi“Andijon hududiy elektr tarmoqlari” korxonasiga qarashli bo’lib, Andijon viloyati Buloqboshi tumani Nayman qishlog’ida joylashgan.

Joriy yilda bolalar maroqli dam olishlari uchun mutassaddilar tomonidan oromgohda barcha shart-sharoitlar yaratilgan. Hozirda bir necha yuzlab bolalar o’zlarining ta’til vaqtlarini oromgoh hududida mazmunli o’tkazmoqdalar.

Xususan oromgoh hududida zukko bolajonlar o’rtasida zakovat intelektual o’yini o’tkazildi. Unda bolajonlar ozlarining ilmga chanqoq ekanliklarini namoyish etdilar. O’yin so’ngida 3-jamoa vakillari g’oliblikni qo’lga kiritishdi hamda esdalik sovg’alari bilan taqdirlandilar.

O’zbekiston energetika, neft-gaz va geologiya xodimlari kasaba uyushmasi Respublika Kengashi matbuot xizmati