Kasaba uyushma faollari uchun uslubiy qoʻllanma

Kasaba uyushmalari faollari uchun

Q Oʻ L L A N M A

(ijtimoiy-iqtisodiy manfaatlarni himoya qilish masalalari boʻyicha)

Jamoa shartnomasining oʻtgan yildagi ijrosi hamda yangi muddatga tuziladigan jamoa shartnoma loyihasini muxokama qilish boʻyicha mehnat jamoalarining umumiy yigʻilishlarini oʻtkazish toʻgʻrisida

Tavsiyalar

 

            Birlashgan va boshlangʻich kasaba uyushma qoʻmitalariga:

  1. Amaldagi jamoa shartnomasi muddati tugashiga qadar uch oy mobaynida yangi jamoa shartnomasini tuzish yuzasidan muzokaralar boshlash toʻgʻrisida ish beruvchiga yozma xabar beriladi.
  2. Jamoa shartnomasi loyihasini tayyorlash uchun taraflar vakillaridan iborat komissiya tuziladi. Komissiyaning tarkibi, muzokarani muddati, oʻtkaziladigan joyi va kun tartibi taraflar qarori bilan belgilanadi (Qoʻshma qaror: buyruq – qaror tarzida tuziladi).
  3. Jamoa shartnomasi loyihasi xodimlar tomonidan muhokama qilinadi va ular bildirilgan fikr va takliflar hisobga olingan holda komissiya tomonidan takomiliga yetkaziladi ( bu haqda Bayonnoma tuziladi).
  4. Jamoa shartnomasi kabul qilinishidan ikki hafta oldin jamoa shartnoma loyihasi barcha ilovalari bilan ekspertizadan oʻtkazish uchun yuqori kasaba uyushma organiga taqdim etiladi.
  5. Ekspertizaning xulosasi yozma ravishda ikki nusxada tayyorlanadi va bir nusxasi 10 kun muddat ichida boshlangʻich kasaba uyushmasi qoʻmitasi raisiga, jamoa shartnomasi roʻyxatdan oʻtkazish kitobiga, imzo qoʻydirib beriladi.
  6. Huquqiy ekspertiza xulosasida berilgan  tavsiyalar inobatga olinib komissiya tomonidan  loyiha takomiliga yetkaziladi. (bu haqda Bayonnoma tuziladi)
  7. Jamoaning umumiy yigʻilishi oʻtkazish vaqti va kun tartibi haqida oʻn besh kun oldin eʼlon qilinadi.
  8. Mehnat jamoasining umumiy yigʻilishi kun tartibiga ikkita masala kiritilishi lozim:

1).  Jamoa shartnomasining oʻtgan yildagi ijrosi toʻgʻrisida.

2). Yangi muddatga tuziladigan jamoa shartnomasi loyihasining  muhokamasi toʻgʻrisida.

  1. Mehnat jamoasining yigʻilishi, basharti unda xodimlarning yarimidan koʻprogʻi ishtirok etgan boʻlsa vakolatli hisoblanadi.
  2. Yigʻilishda ishchi guruh saylanadi, reglament va kun tartibi tasdiqlanadi.
  3. Birinchi masala boʻyicha ish beruvchi va kasaba uyushma qoʻmitasi raisi   komissiya tomonidan tayyorlangan  tekshiruv dalolatnoma asosida oʻz hisobotlarini beradilar.
  4. Ikkinchi masala boʻyicha komissiya raisi maʼruza qiladi.
  5. Kun tartibidagi ikkita masala bir yoʻla muhokama qilinadi. Soʻzga chiqqanlar jamoa shartnomasi ijrosiga baho berishadi va yangi jamoa shartnomasi loyihasi boʻyicha oʻz fikrlarini bildirishadi.
  6. Yigʻilish qarorlar qabul qiladi:

1). Jamoa shartnomasi ijrosi boʻyicha;

2). Jamoa shartnoma loyixasini maʼqullash toʻgʻrisida;

3) Jamoa shartnomasini xodimlar tomonidan imzolash vakolatini kasaba uyushma qoʻmitasining raisi F.I.Sh.______________ga  berilishi toʻgʻrisida.

  1. Jamoaning umumiy yigʻilishida maʼqullangan jamoa shartnomasi uch kun ichida imzolanib, roʻyhatdan oʻtkazilishi uchun yuqori kasaba uyushma organiga saxifalari nomerlangan va tikilgan holda  uch nusxada, oldingi  yilda jamoa shartnomasi bajarilishi  toʻgʻrisidagi dalolatnoma, jamoa shartnomasini maʼqullash toʻgʻrisidagi mehnat jamoasining umumiy yigʻilishi bayoni bilan birga taqdim etiladi.
  2. Agar jamoa shartnomasi tizimdagi bir nechta tashkilot, filial  boʻlinmalariga taalluqli boʻlsa, uning loyihasi konferensiyada muxokama qilinishi kerak. Buning uchun jamoa shartnoma loyihasi va oʻtgan yilgi jamoa shartnomasining ijrosi toʻgʻrisidagi tekshiruv dalolatnomasi ushbu tashkilot, boʻlim, filiallarning umumiy yigʻilishlarida muhokama qilish uchun yuboriladi.
  3. Shu bilan birga komissiya qarori bilan tasdiqlangan vakillar normasiga asosan   mehnat jamoasining umumiy yigʻilishi  konferensiyaga delegatlarni saylaydi.
  4. Mehnat jamoasining konferensiyasi, basharti unda delegatlarning kamida uchdan ikki qismi ishtiroq etgan boʻlsa, vakolatli hisoblanadi.
  5. Jamoa shartnomasi, basharti uni umumiy yigʻilishda (konferensiyada) ishtiroq etganlarning ellik foizidan qoʻprogʻi yoqlab ovoz bergan boʻlsa, maʼqullangan hisoblanadi.

 

Namuna

Mehnat jamoasining umumiy yigʻilish(konferensiya)ni olib borish tartibi

 

Mehnat jamoasininnng umumiy yigʻilishi(konferensiya)ni   komissiya raisi ochadi.

Hurmatli yigʻilish qatnashchilari!

Bugungi  yigʻilishda

– tashkilot, muassasada  mehnat qiladigan   ______xodimdan

Ygʻilishda ____________tasi qatnashmoqda

Konferensiyaga saylangan _______delegatlardan _______lari  qatnashmoqda

uzurli sabablar bilan          _____________ xodim (delegat) ________

Ishni boshlash uchun qvorum yetarli.

Umumiy yigʻilish(konferensiya) ishida:

1.__________________________________F.I.Sh. lavozimi, ish joyi

2._________________________________

3._________________________________

Qatnashmoqdalar.

Yigʻilish(konferensiya) ishishni ochish boʻyicha qanday takliflar bor?

Yigʻilish(konferensiya)ni boshlash haqida taklif tushdi.

Kimda-kim shu taklifga qoʻshilsa ovoz bersin.

“Tarafdorlar”____________

“Qarshilar”_______________

“Betaraflar”_____yoʻq.

Yigʻilish(konferensiya) ochiq deb eʼlon qilinadi.

Ovoz berish boʻyicha kelishib olishimiz kerak. Uni qanday tarzda oʻtkazamiz? Ochiq yoki yopiq (yashirin) usuldami?

Bu haqda kimda qanday fikr bor?

Ochiq ovoz berish yoʻli bilan oʻtkazilsin degan taklif tushdi.

Ovozlarni  sanashini rayosatga yuqlatamiz.

(Agarda ovozlarni sanash komissiyaiga yuklatilsin degan taklif tushsa, unda sanoq komissiyasi tarkibi saylanadi).

Kimda-kim mazkur taklifga qoʻshilsa, qoʻl koʻtarib ovoz berishlaringizni soʻrayman.

“Tarafdorlar”____________

“Qarshilar”_______________

“Betaraflar”_____yoʻq.

Bir ovozdan.

Hurmatli qatnashchilar !

Majlisni olib borish uchun uning ishchi organini saylashimsiz kerak:

  1. Rayosat
  2. Kotibiyat
  3. Sanoq komissiyasi (agarda shunday taklif tushsa)

Tarkibning soni va sifati boʻyicha qanday takliflar bor?

Takliflar tushdi:

Rayosatga ______kishi

Kotibiyatga ________kishi

Sanoq komissiyasiga _________kishi saylansin.

Boshqa takliflar yoʻkmi?  Unda ovoz berishlaringizni soʻrayman.

“Tarafdorlar”____________

“Qarshilar”_______________

“Betaraflar”_____yoʻq.

Shunday qilib, rayosatga ________, kotibiyatga_________,  sanoq komissiyasiga__________dan iborat kishi saylanadi.

Ishchi organi tarkibining  har qaysisi  boʻyicha oʻz takliflaringizni bildirsangiz.

Taklif tushdi. Rayosat tarkibiga:

1.___________________F.I.Sh. lavozimi, ish joyi

2._________________________________

3._________________________________

(Ovoz berish oʻsha tartibda)

Sanoq komissiyasi tarkibi ham ushbu tarzda saylanadi.

Shunday qilib, rayosat tarkibiga (sanoq komissiyasi, kotibiyat tarkibi) quyidagilar saylandi. Roʻyxatdagilarning familiyasi oʻqiladi.

Saylangan oʻrtoqlar oʻz joylarini egallashini soʻrayman.

Ishchi rayosatining qarori bilan raislik qiluvchi tayinlanadi.

Yigʻilish (konferensiyani) raisi 1)“Kun tartibi”, 2)yigʻilish reglamentini eʼlon qiladi va ovozga qoʻyish bilan tasdiqlaydi.

Raislik qiluvchi:

Bugungi kun tartibiga quyidagi masalalar qoʻyilgan:

1). Jamoa shartnomasining 2025-yildagi ijrosi toʻgʻrisida.

Maʼruzachilar: Rahbar ________________________F.I.Sh.

Kasaba uyushma qoʻmitasi raisi_____________________ F.I.Sh.

2). Yangi muddatga tuziladigan jamoa shartnomasining muhokamasi.

Maʼruzachi: Komissiya raisi_______________________ F.I.Sh.

birinchi masala boʻyicha maʼruzachiga  __________daqiqa

ikkinchi maʼruzachiga __________daqiqa

ikkinchi masala boʻyicha maʼruzachiga __________daqiqa

soʻzga chiquvchilarga __________daqiqa

Qarshilar yoʻq.

Raislik qiluvchi:  Maʼruzalar tamom boʻlgach muzokaraga chiquvchilar ikki masala boʻyicha ham oʻz fikrlarini bildirsalar maqsadga muvofiq bular edi.

Muzokara davom etadi.

Raislik qiluvchi: Masala muxokamasi boʻyicha yigʻilishda qaror qabul qilishimiz zarur.

Kun tartibiga qoʻyilgan barcha masalalar boʻyicha qaror loyihasini

oʻqib eshittirilganidan keyin ovozga qoʻyiladi

—————————- tashkilotning 2025-yilga jamoa shartnomasi loyihasini tuzish haqida maʼmuriyatni va kasaba uyushma qoʻmitasining

BUYRUQ-QARORI

№—–                                                                                     “——-“————2025-yil

  1. 2025-yilga jamoa shartnomasini tayyorlash boʻyicha quyidagi tartibda komissiya tasdiqlansin:

Maʼmuriyat tomonidan:

  1. F.I.Sh.    lavozimi komissiya raisi.

2.

3.

Xodimlar tomonidan:

  1. F.I.Sh.    lavozimi , komissiya raisi oʻrinbosari.

2.

3.

Korxona rahbari (imzo) F.I.Sh.

Kasaba uyushma raisi (imzo)   F.I.Sh.

—————— (tashkilotning)  2025-yilga jamoa shartnomasini  loyihasini tuzish komissiyasi yigʻilishining

q a r o r i

“—“   2025-yil

  1. Yangi muddatga belgilangan jamoa shartnomasi loyihasi va tegishli ilovalar maʼqullansin.
  2. Jamoa shartnomasi loyihasi va ilovalar xodimlar oʻrtasida(boʻlimlarda) muhokama qilinib uning bayonnomalari takliflar bilan birga jamlash uchun komissiyaga ———-yilgacha taqdim etilsin.
  3. 2025-yilga jamoa shartnomasini qabul qilish haqidagi mehnat jamoasining umumiy yigʻilishi ——–oʻtkazilish belgilansin.
  4. Yigʻilishni taklif etish va oʻtkazish uchun masʼul etib: maʼmuriyatdan F.I.Sh. (lavozimi) – komissiya raisi, KUKdan F.I.Sh., KUQ aʼzosi tayinlansin.

Konferensiya oʻtkaziladigan boʻlsa:

Mehnat jamoasi konferensiyasida ishtirok etuvchi vakil delegatlar normasi —- nafar xodimdan ( har bir boʻlimdan yoki filialdan —– ta delegat saylansin.

Komissiya aʼzolari :   (Ilovalar)

 

Namuna

Xiva tumanidagi 38-maktab mehnat jamoasining umumiy yigʻilishi (konferensiya)

BAYONI

2025-yil 7-fevral                                                                                           Xiva sh.

Maktab xodimlari soni – 38 nafar
Yigʻilishda ishtirok etayotganlar – 35 nafar
Uzrli sabablarga koʻra ishtirok etmayotganlar – 3 nafar

Raislik qiluvchi: M.Matmuratova – maktab direktori

Ishchi rayosat aʼzolari

M.Sobirova – kasaba uyushmasi qoʻmitasi raisi

A.Doʻrmonov – Xiva tuman Xalq taʼlimi boʻlimi mudiri

S.Sahobiddinov – Xiva tuman taʼlim, fan va madaniyat xodimlari kasaba uyushmasi birlashgan qoʻmitasi raisi

 

KUN TARTIBI:

  1. 2023-2025-yillarga tuzilgan jamoa shartnomasining 2025-yilda bajarilishi yakunlari toʻgʻrisida
  2. 2023-2025-yillar uchun yangi jamoa shartnomasi loyihasini muhokama qilish.
  3. 2023-2025-yillar uchun jamoa shartnomasi bajarilishini tekshirib boruvchi komissiyani saylash.

 

Eshitildi:

1-masala yuzasidan:

Maktab direktori M.Matmuratova hisoboti (matni ilova qilinadi).

Maktab kasaba uyushmasi qoʻmitasi raisi M.Sobirova hisoboti (matni ilova qilinadi).

Jamoa shartnomasi bajarilishini tekshirib boruvchi komissiya raisi, maktab oʻqituvchisi K.Gʻoyibnazarova tekshiruv dalolatnomasi bilan tanishtirdi (ilova qilinadi).

Soʻzga chiqdilar: A.Salimov, X.Abdullayeva, Z.Xushnazarova.

2-masala yuzasidan

2025-2028-yillar uchun jamoa shartnomasi loyihasini tayyorlash boʻyicha komissiya raisi A.Matchonova jamoa shartnomasi mazmuni bilan yigʻilganlarni tanishtirdi.

Soʻzga chiqdilar: A.Bekmambetova, S.Kim

3-masala yuzasidan

Maktab kasaba uyushmasi qoʻmitasi raisi M.Sobirova 2011-2013-yillar uchun jamoa shartnomasi bajarilishini tekshirib boruvchi komissiya tarkibiga ushbu jamoa shartnomasi loyihasini tayyorlash boʻyicha komissiya aʼzolarini saylash taklifini bildirdi.

Soʻzga chiqdilar: O.Xudoyshukurova, A.Doʻrmonov, S.Sahobiddinov.

 

QAROR QILINDI:

  1. 2023-2025-yillarga tuzilgan jamoa shartnomasining 2010-yilda bajarilishi yuzasidan maktab direktori M.Matmuratova va kasaba uyushmasi qoʻmitasi raisi M.Sobirovaning hisoboti maʼlumot uchun qabul qilinsin.
  2. 2023-2025-yillarga tuzilgan jamoa shartnomasining 2010-yilda bajarilishi boʻyicha tekshiruv dalolatnomasi tasdiqlansin.
  3. 2023-2025-yillarga tuzilgan jamoa shartnomasining 2010-yilda bajarilishi qoniqarli deb hisoblansin.
  4. Jamoa shartnomasi loyihasini tayyorlash boʻyicha komissiya tomonidan ishlab chiqilgan 2025-2028-yillar uchun jamoa shartnomasi loyihasi maʼqullansin.
  5. 2025-2028-yillar uchun jamoa shartnomasi bajarilishini tekshirib boruvchi komissiya quyidagi tarkibda saylansin:

Ish beruvchi vakillari:

1. A.Matchonova maktab direktori oʻrinbosari
2. Z.Sharipova maktab bosh hisobchisi
3. R.Ollamov maktab oʻquv boʻlimi mudiri

 

Xodimlar vakillari:

1. M.Allanazarova kasaba uyushmasi qoʻmitasi raisining oʻrinbosari, maktab oʻqituvchisi
2. U.Halilov kasaba uyushmasi qoʻmitasi aʼzosi, maktab oʻqituvchisi
3.T.Yoqubova kasaba uyushmasi qoʻmitasi aʼzosi, maktab oʻqituvchisi

 

Yigʻilish raisi:                                                               M.Matmuratova

Yigʻilish kotibi:                                                             M.Shomurodova

 

Jamoa shartnomasining bajarilishi boʻyicha tekshiruv dalolatnomasi

NAMUNASI

Xiva tumanidagi 38-maktab jamoa shartnomasining 2025-yilda
bajarilishi boʻyicha tekshiruv

DALOLATNOMASI

 

Biz, quyida imzo chekkanlar, Xiva tumanidagi 38-maktab jamoa shartnomasi bajarilishini nazorat qiluvchi komissiya aʼzolari K.Gʻoyibnazarova, Z.Sharipova, R.Ollamov, A.Qosimova, P.Odilov, M.Komilova jamoa shartnomasining 2010-yilda bajarilishini tekshirib, quyidagilarni aniqladik. 

  1. UMUMIY QOIDALAR

1.1. Hisobot yilida jamoa shartnomasi ish beruvchi bilan xodimlar oʻrtasidagi mehnatga oid, ijtimoiy-iqtisodiy va kasbga oid munosabatlarni tartibga soluvchi mahalliy normativ hujjat vazifasini bajarib keldi.

1.2. Jamoa shartnomasi Ish beruvchiga va Maktabning barcha xodimlariga, shu jumladan jamoa shartnomasi kuchga kirganidan keyin ishga qabul kilingan shaxslarga ham tatbiq etildi.

Jamoa shartnomasida nazarda tutilgan hollarda uning ayrim qoidalari quyidagilarga nisbatan ham tatbiq etildi:

  • xodimning oila aʼzolariga;
  • yoshga doir pensiyaga ketishi munosabati bilan mehnat munosabatlari ish beruvchi tomonidan bekor qilingan shaxslarga;
  • kasaba uyushmasi qoʻmitasining shtatdagi xodimlariga;
  • mehnat vazifalarini bajarish bilan bogʻliq holda jarohatlanishi, kasb kasalliklariga chalinishi yoki salomatlikning boshqa xil shikastlanishi tufayli zarar yetkazilishi oqibatida jabrlangan sobiq xodimlarga;
  • mehnatda mayib boʻlishi, kasb kasalligi yoki mehnat vazifalarini bajarish bilan bogʻliq holda sogʻligiga boshqacha tarzda shikast yetishi sababli vafot etgan xodim qaramogʻida boʻlgan va zarar toʻlovini olish huquqiga ega boʻlgan mehnatga qobiliyatsiz shaxslarga;
  • kasaba uyushmasi aʼzolariga (kasaba uyushmasi byudjeti hisobidan beriladigan qoʻshimcha imtiyozlar qismida).

1.3. Hisobot yilida maktabda kasanachilar mehnatidan foydalanilmadi.

1.4. Jamoa shartnomasiga oʻzgartish va qoʻshimchalar hisobot yilida kiritilmadi.

1.5. Ish beruvchi barcha xodimlarni, shu jumladan ishga yangi qabul qilingan xodimlarni, jamoa shartnomasi, shuningdek Kasaba uyushmasi qoʻmitasi bilan kelishib qabul qilingan Maktabning boshqa lokal hujjatlari bilan tanishtirish, jamoa shartnomasining mazmuniga va bajarilishi shartlariga oid maʼlumotlar oshkoraligini (majlislar, konferensiyalar, masʼul xodimlar hisobotlari, axborot stendlari, tarmoq nashrlari va hokazolar orqali) taʼminlash majburiyatini bajarib keldi.

  1. IQTISODIY FAOLIYAT

2.1. Ish beruvchi kasaba uyushmasini kutilayotgan tashkiliy oʻzgarishlar, ish haqi va mehnat sharoiti yuzasidan amalga oshirilishi moʻljallanayotgan tadbirlar toʻgʻrisida xabardor qilib turdi.

2.2. Kasaba uyushmasi qoʻmitasi

– ijtimoiy-mehnat munosabatlariga oid masalalarni, shuningdek ishlab chiqarish va ijtimoiy-iqtisodiy muammolarni hal etishda xodimlar nomidan ish koʻrib keldi;

– kasaba uyushmalariga xos uslublar yordamida Maktabning barqaror faoliyat koʻrsatishiga koʻmaklashib bordi;

– ichki mehnat tartibi qoidalariga, mehnat intizomiga rioya etilishiga, mehnat vazifalari oʻz vaqtida va sifatli bajarilishiga koʻmaklashdi;

– Maktabni boshqarish, jamoa shartnomasi majburiyatlarini takomillashtirish, xodimlarning mehnat shartnomasidagi vazifalarni toʻliq va sifatli bajarishlariga koʻmaklashuvchi ijtimoiy-iqtisodiy rivojlanishning joriy va istiqbolli reja va dasturlarini qabul qilish kabi masalalar yuzasidan jamoa muzokaralarini olib borish boʻyicha takliflarni Ish beruvchiga kiritib bordi;

– mamlakatni modernizatsiyalash va yangilash, demokratik huquqiy davlat va fuqarolik jamiyatini qurish borasidagi ustuvor dasturlar bajarilishini monitoring qilish ishlarida ishtirok etib keldi;

– ijtimoiy himoyalash, taʼlim sohasini rivojlantirish kabi Prezident Farmonlari, Hukumat qarorlari yuzasidan 4 ta oʻquv tashkil etdi.

III. MEHNAT SHARTNOMASI. BANDLIK KAFOLATLARI

3.1. Xodim va Ish beruvchi oʻrtasidagi mehnat munosabatlari mehnat toʻgʻrisidagi qonunlar va boshqa normativ hujjatlar (shu jumaladan tarmoq (tarif) kelishuvlari, hududuiy (mintaqaviy) kelishuvlar va mazkur jamoa shartnomasi) qoidalariga binoan yozma ravishda tuzilgan mehnat shartnomasi bilan tartibga solib kelindi.

3.2. Mutaxassisligiga, malakasiga va mehnat shartnomasiga muvofiq xodimlar toʻla-toʻkis ish bilan taʼminlandilar.

3.3. Mehnat shartnomasini Ish beruvchining tashabbusi bilan bekor qilinishi faqatgina Kasaba uyushmasi qoʻmitasining oldindan roziligini olib amalga oshirilib kelindi.

Hisobot yilida 4 ta xodim bilan mehnat shartnomasini bekor qilishni soʻrab ish beruvchi kasaba uyushmasi qoʻmitasiga taqdimnoma kiritdi. Shulardan 3 tasiga rozilik berildi, 1 ta holatda rozilik berilmadi.

3.4. Xodimning vaqtincha boshqa ishga oʻtkazish haqidagi iltimosi, agar bu iltimos uzrli sabablar tufayli kelib chiqqan va bunday ish Maktabda mavjud boʻlsa, ish beruvchi tomonidan qanoatlantirilib kelindi. Hisobot yilida 1 nafar xodim oʻz iltimosiga binoan uzrli sabablarga koʻra 1 oy muddatga vaqtincha boshqa ishga oʻtkazildi.

3.5. Ishlab chiqarish zaruriyatiga koʻra Ish beruvchining tashabbusi bilan xodimni uning roziligisiz vaqtincha boshqa ishga oʻtkazish hollari 4 ta xodimga nisbatan amalga oshirildi.

Barcha hollarda Ish beruvchining tashabbusi bilan xodimni vaqtincha boshqa ishga oʻtkazish muddatining chegarasi yil davomida 60 kundan oshmadi.

Xodim Ish beruvchining tashabbusi bilan vaqtincha boshqa ishga oʻtkazilgan davrda unga bajarayotgan ishiga qarab, lekin avvalgi oʻrtacha ish haqidan kam boʻlmagan miqdorda ish haqi toʻlandi.

3.6. Xodimlarni ommaviy ravishda ishdan ozod etish holati yuz bermadi.

3.7. Hisobot yilida xodimlar soni qisqartirilmadi.

  1. ISH VAQTI VA DAM OLISH VAQTI

4.1 Maktabda ish mehnat qonunlarida koʻrsatilagn haftalik ish soatidan oshmagan holda 6 kunlik ish haftasi asosida tashkil qilindi.

Ish kunining davomiyligi, undan foydalanish tartibi, ishning boshlanishi va tugash vaqti maktab ichki mehnat tartibidan kelib chiqib belgilandi.

Pedagog xodimlar haftalik ish soati tarifikatsiya soatiga muvofiq belgilandi. Boshqa xodimlar uchun quyidagicha haftalik ish soatlari belgilandi:

– zararli sharoitda ishlovchilar uchun (laborantlar, maxsus farroshlar) 36 soat;

– normal sharoitda ishlaydigan xodimlar uchun 40 soat;

– I va II guruh nogironlari uchun 36 soat;

4.2. Jamoa shartnomasi shartlariga binoan bir nafar xodimga oʻz iltimosiga koʻra 4 oy muddat bilan toʻliqsiz ish vaqti belgilab koʻyildi.

4.3. Toʻliqsiz ish vaqti rejimidagi mehnat uchun ishlangan vaqtga mutanosib ravishda haq toʻlandi.

4.4. 4 nafar qorovul uchun ish vaqti (smenasi) muddati sutkasiga oʻn ikki soat miqdorida belgilab qoʻyildi va ish vaqtini jamlab hisobga olish joriy qilindi. Bunda ish vaqtining yillik balansiga rioya etildi.

Ish vaqtini jamlab hisobga olish ayrim toifadagi xodimlarni ish vaqtidan tashqari ishlarga jalb etish xususida belgilangan cheklashlarga (Oʻzbekiston Respublikasi Mehnat kodeksi 220-moddasining beshinchi qismi va 228, 245-moddalariga) rioya qilgan holda joriy etildi.

4.5. Ish vaqti jamlab hisobga olinishi rejimida band boʻlgan xodimlarga har oyda toʻlanadigan ish haqi miqdori tenglashtirib borildi. Bunda hisobga olinadigan davr mobayinida ish soatlarining normal miqdoridan koʻp ishlaganlik uchun dam olish kuni berildi.

4.6. Xodimlar ishdan tashqari vaqtlarda ishga jalb etilmadilar.

4.7. Qorovullardan tashqari boshqa xodimlar kechki va tungi vaqtlarda, shuningdek dam olish va bayram kunlari ishga jalb etilmadilar.

4.8. Ish beruvchi va pedagog xodimlarga qonunlar va yoʻriqnomalarda koʻrsatilgan uzaytirilgan quyidagi taʼtil kunlari belgilandi:

– oʻqituvchilarga ishlagan har oyi uchun 4 kundan. Toʻliq yil ishlaganda 48 ish kuni;

– toʻgarak rahbarlariga ishlagan har oyi uchun 3 kundan 36 ish kuni.

4.9. Pedagog boʻlmagan xodimlarga quyidagicha taʼtil berildi:

– kutubxonachilar, yetakchilar, laborantlar, hamshiralarga ishlagan har oyi uchun 2 kundan 24 ish kuni;

– qolgan texnik xodimlarga 18 ish kuni miqdorida.

4.10. Ish beruvchi quyidagi hollarda xodimning ish haqi saqlanib qolinadigan taʼtil berish haqidagi iltimosini qanoatlantirib bordi:

– 1 nafar xodimga yaqin qarindoshi vafot etganda – 3 kun;

– 4 nafar xodimga toʻy marosimini oʻtkazishga – 3 kundan;

– 1 nafar xodimga kumush toʻyida – 2 kun;

– 3 nafar xodimga yangi uyga koʻchganda – 2 kundan;

4.11. Oʻzbekiston Respublikasi Mehnat kodeksining 144-moddasida koʻrsatib oʻtilgan xodimlar toifalaridan tashqari quyidagi xodimlarga mehnat taʼtili ularning xohishiga koʻra yozgi yoki ular uchun qulay boʻlgan boshqa vaqtda berildi:

  1. a) Oʻzbekiston Respublikasi Vazirlar Mahkamasining 1997-yil 20-martdagi 153-sonli qaroriga asosan ijtimoiy ahamiyatga molik kasallik boʻyicha hisobda turgan xodimlarga (1 nafar);
  2. b) betob oila aʼzosini parvarishlayotgan xodimlarga (3 nafar);
  3. v) Oʻzbekiston Respublikasi Prezidentining 2007-yil 18-maydagi
    PF-3878-sonli Farmoniga binoan tijorat banklaridan ipoteka kreditini olgan yosh oilalar vakillariga (1 nafar).

4.12. Taʼtil uchun haq toʻlash taʼtil boshlanmasdan oldingi oxirgi ish kunidan kechiktirmay amalga oshirish ishlari toʻliq bajarilmadi, 12 nafar xodim taʼtil pullarini taʼtildan keyin olishga majbur boʻldilar.

4.13. 7 nafar xodim arizalariga binoan 14 kalendar kundan iborat ish haqi saqlanmagan holda taʼtil oldilar.

4.14. 3 nafar xodim mehnat shartnomasi bekor qilinganda oʻz xohishiga koʻra, yillik asosiy va qoʻshimcha taʼtillarni olib, undan keyin mehnat munosabatlarini bekor qildilar.

  1. MEHNATGA haq TOʻLASH. KAFOLATLI TOʻLOVLAR VA KOMPENSATSIYA TOʻLOVLARI

5.1 Xodimlar mehnatiga haq toʻlash tizimi Oʻzbekiston Respublikasi Vazirlar Mahkamasining 2025-yil 21-dekabrdagi “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida”gi 275-sonli qarori bilan tasdiqlangan Nizomlar hamda Hukumat tomonidan qabul qilingan qarorlar asosida amalga oshirildi.

5.2. Ish haqini toʻlash muddatlari: birinchi yarim oy uchun – joriy oyning 16 sanasida, ikkinchi yarim oy uchun – keyingi oyning 5 sanasida amalga oshirildi.

5.3. Xodimning roziligi bilan ish xaqining bir qismi uning plastik kartochkasiga oʻtkazib berildi, bunday oʻtkazma miqdori toʻlanadigan summaning 50 foizidan oshmadi.

5.4. Xodimga haq toʻlash jamoa shartnomasida belgilangan muddatlarga nisbatan kechiktirilishi hollari yuz bermadi.

5.5. Ish beruvchi mehnatga haq toʻlashga va mehnatni meʼyorlashtirishga oid lokal hujjatlarni, shuningdek ularni joriy etish tartibini Kasaba uyushmasi qoʻmitasi bilan kelishib bordi.

5.6. Xodimlarni mukofotlash Maktabning mukofotlash toʻgʻrisidagi Nizomiga asosan amalga oshirildi.

5.7. Oshirilgan miqdordagi mehnat haqi, ustamalar, qoʻshimcha toʻlovlar va kompensatsiyalarning quyidagi turlari va miqdorlari qoʻllanildi:

– qorovullarga tungi vaqtdagi ish uchun 1,5 baravar haq toʻlandi;

– xodimlar ish vaqtidan tashqari ishlar, dam olish va bayram kunlarida ishga jalb qilinmagani bois bunday ishlar uchun 2 baravar miqdorda haq toʻlanmadi;

– bir necha kasbda (lavozimda) ishlaganlik, xizmat koʻrsatish doirasi kengayganligi, bajariladigan ishlar hajmi ortganligi, oʻzining asosiy ishi bilan bir qatorda ishda vaqtincha boʻlmagan xodimlarning vazifalarini bajarganlik uchun, shuningdek oʻrindoshlik asosida ish bajarilganida xodimlarning mehnat haqi miqdori mehnat shartnomasining taraflari oʻrtasidagi kelishuvga binoan amalda bajarilgan ish yuzasidan, lekin xodim lavozim maoshining 30 foizidan kam boʻlmagan miqdorda belgilandi;

– Oʻzbekiston Respublikasi ichidagi xizmat safarlari uchun toʻlaniladigan kompensatsiyalar “Oʻzbekiston Respublikasi boʻylab xizmat safarlari toʻgʻrisidagi yoʻriqnoma”ga (Oʻzbekiston Respublikasi Moliya vazirligi hamda Mehnat va aholini ijtimoiy muhofaza qilish vazirligi tomonidan 2025-yil 24-iyulda 83 va №7/12-son bilan tasdiqlanib, Oʻzbekiston Respublikasi Adliya vazirligida 2025-yil 29-avgustda 1268-raqam bilan roʻyxatga olingan) hamda Oʻzbekiston Respublikasi Mehnat kodeksining 171-moddasiga asosan quyidagilarni oʻz ichiga oldi:

  1. a) yoʻl kira xarajatlari normativ asosida;
  2. b) doimiy turar joyidan boshqa joyda yashash, shu jumladan uy-joy ijarasi bilan bogʻliqxarajatlar;
  3. v) Oʻzbekiston Respublikasida belgilangan eng kam ish haqining 10 foizi miqdorida sutkalik xarajatlar;
  4. g) xodim tomonidan ish beruvchining ruxsati yoki roziligi bilan qilingan boshqa xarajatlar.

– Oʻzbekiston Respublikasidan tashqaridagi xizmat safarlariga xodimlar yuborilmadi;

– Ish beruvchining roziligi bilan va uning manfaatlari yoʻlida xodim oʻziga tegishli mol-mulk (asbob-uskunalar, ashyolar va hokazolar)dan (avtotransport vositasidan tashqari) foydalanish hollari boʻlmaganligi bois bunday xarajatlar qoplanmadi ;

– Ish beruvchining taklifiga binoan xodim boshqa joydagi ishga koʻchib borishi hollari yuz bermadi.

– ish jarayonida zararsizlantirish vositalaridan foydalanganligi uchun hojatxona farroshlarining lavozim maoshlariga 10 foiz miqdorida kompensatsiya toʻlandi.

5.8. Ish beruvchining koʻrsatmasiga binoan ish beruvchi va mehnat jamoasi manfaatlariga doir vazifalarni bajarish (malaka oshirish, xizmat safarida boʻlish, tibbiy koʻrikdan oʻtish, navbatchilik, darslar oʻtkazish va boshqa turli tadbirlarda qatnashish) maqsadida oʻz asosiy ishidan ozod etilgan xodimlarga oʻrtacha ish xaqi saqlanib qolindi, mazkur tadbirlar ishdan tashqari vaqtda oʻtkazilganda, xodimlarga sarf qilingan vaqtiga mutanosib qoʻshimcha dam olish vaqti berildi.

5.9. Qishloq xoʻjaligi ishlariga jalb etilgan xodimlarga oʻrtacha oylik ish haqi saqlab qolindi.

  1. MEHNAT INTIZOMI

6.1. Xodimlar tomonidan mehnat vazifalarining bajarilishi mehnat shartnomalari, tarkibiy boʻlinmalar toʻgʻrisidagi nizomlar, mansab yoʻriqnomalari, Maktab Nizomi hamda Ichki mehnat tartibi qoidalariga binoan taʼminlandi.

6.2. Hisobot yilida Ish beruvchi va kasaba uyushmasi qoʻmitasi tomonidan 1 nafar xodim ishdagi muvofaqqiyatlari uchun Davlat mukofotiga taqdim etildi, 3 nafar xodimga tashakkur eʼlon qilindi, 1 nafar xodimga yubiley yoshi munosabati bilan qimmatbaho sovgʻa berildi.

 

VII. MEHNAT SHARTNOMASI TARAFLARINING MODDIY JAVOBGARLIGI

7.1. Hisobot yilida xodimlarning mehnat vazifalarini bajarish bilan bogʻliq holda sogʻligiga shikast yetkazilishi yoki vafot etishi hollari yuz bermagani bois bir yoʻla beriladigan nafaqa toʻlashga zarurat boʻlmadi.

7.2. Hisobot yilida maktabga xodimlar tomonidan moddiy zarar yetkazilmagani sababli uni undirish zarurati boʻlmadi.

7.3. Jamoa shartnomasiga binoan bevosita pul yoki tovar qimmatliklari bilan muomala qilayotgan 3 nafar xodimlar bilan toʻliq moddiy javobgarlik haqida shartnoma tuzildi.

 

VIII. MEHNATNI MUHOFAZA QILISH

8.1. Jamoa shartnomasiga ilova sifatida har yili tuziladigan Mehnatni muhofaza qilish boʻyicha bitimga binoan ish oʻrinlarida mehnat sharoitlarini, mehnatni muhofaza qilish va texnika xavfsizligi ahvolini yaxshilash yuzasidan tadbirlar bajarilishi taʼminlandi, bu ishlarga 32,5 mln. soʻm sarflandi.

8.2. Mehnat muhofasi tadbirlarini moliyalashtirish uchun Oʻzbekiston Respublikasi Vazirlar Mahkamasining 2025-yil 12-noyabrdagi 245-son qarori bilan tasdiqlangan “Korxonalar, tashkilotlar va muassasalarda mehnatni muhofaza qilish jamgʻarmasini tashkil etish va uning mablagʻlaridan foydalanish tartibi toʻgʻrisidagi Nizom”ga binoan Mehnatni muhofaza qilish fondi barpo etildi;

8.3. Mehnatni muhofaza qilish boʻyicha 4 nafar vakil saylab qoʻyildi.

8.4. Ish beruvchi:

– xodimlarni ishlab chiqarishdagi baxtsiz hodisalar va kasb kasalliklaridan qonun hujjatlari talablariga muvofiq holda sugʻurta qilishni taʼminladi;

– noqulay mehnat sharoitlarida band xodimlarni maxsus kiyim-bosh, maxsus poyabzal, boshqa yakka tartibdagi himoya vositalari bilan, shuningdek yuvish va zararsizlantirish vositalari, sut yoki shunga teng boshqa mahsulotlar, davolash-profilaktika oziq-ovqatlari bilan taʼminlash uchun 11,7 mln. soʻm sarfladi;

– xodimlarni mehnat muhofazasi boʻyicha oʻqitish hamda bilimlarini tekshirish toʻgʻrisidagi namunaviy Nizom (Oʻzbekiston Respublikasi Adliya vazirligida 1996-yil 14-avgustda 272-raqam bilan roʻyxatga olingan) talablariga binoan xodimlarni mehnat muhofazasi boʻyicha oʻqitish hamda bilimlarini tekshirish ishlarini tashkil etdi.

8.5. Oʻzbekiston Respublikasi Mehnat kodeksining 214-moddasiga binoan dastlabki tarzda va keyinchalik vaqti-vaqti bilan tibbiy koʻrikdan oʻtkazilishi tashkil qilinadigan kasblar, lavozimlar va xodimlar toifalari roʻyxatiga binoan pedagog xodimlar tibbiy koʻrikdan oʻtkazildi.

  1. IJTIMOIY SUGʻURTA. IJTIMOIY IMTIYOZ VA KAFOLATLAR

9.1. Oʻzbekiston Respublikasi Prezidenti tashabbusi bilan qabul qilingan “2009-yil – «Qishloq tarraqiyoti va farovonligi yili” Davlat dasturini amalga oshirish uchun chora-tadbirlar ishlab chiqildi va bajarildi.

9.2. Oʻzbekiston Respublikasi Mehnat kodeksining quyidagi moddalarida nazarda tutilgan kafolatlarga rioya etilib va imtiyozlar berib kelindi:

  1. a) 1941-1945-yillardagi urush qatnashchilari va imtiyozlari boʻyicha ularga tenglashtirilgan shaxslar uchun (103, 144, 150-moddalar);
  2. b) atom obyektlaridagi falokatlar okibatlarini bartaraf etish ishlari qatnashchilari va ularga tenglashtirilgan shaxslar uchun (103-modda);
  3. v) I va II guruh nogironlari uchun (68, 135, 143, 144, 150, 214, 220-moddalar).

9.3. Ish beruvchi tomonidan vaqtincha mehnatga layoqatsizlik nafaqalari toʻliq toʻlab borildi.

9.4. Ish beruvchi ishlayotgan pensionerlarga oʻtgan oy uchun pensiyani oyning
2-yarmi uchun toʻlanadigan ish haqi bilan bir vaqtda toʻlab bordi.

9.5. 4 nafar xodim surunkasiga bir oydan ortiq kasal boʻlganida ularning har biriga 10 ming soʻm miqdorida, jami 40 ming soʻmlik moddiy yordam koʻrsatildi.

9.6. 1 nafar xodimning otasi vafot etganda 10 ming soʻm miqdorida moddiy yordam koʻrsatildi.

 

  1. MADANIY-MAʼRIFIY, JISMONIY TARBIYA-SOGʻLOMLASHTIRISH, SPORT ISHLARI

10.1. Madaniy-maʼrifiy ishlarni yaxshilash uchun quyidagilar amalga oshirildi:

– “Maʼnaviyat va maʼrifat” xonasi tashkil etilib, Oʻzbekiston kasaba uyushmalari Federatsiyasi Kengashi va Respublika Maʼnaviyat targʻibot markazi tavsiyalari asosida jihozlandi, Oʻzbekiston Respublikasi Prezidenti I.Karimov asarlari, Mustaqillik yillarida chop etilgan zamonaviy adabiyotlar hamda plakatlar, stendlar va texnik vositalar bilan taʼminlandi;

– Davlat dasturlarini bajarish borasida mehnatkashlar va yoshlar oʻrtasida taniqli fan, adabiyot va sanʼat arboblari, adabiyotshunoslar, ishlabchiqarish ilgʻorlarini jalb etgan holda 11-marta mazmunli va qiziqarli uchrashuvlar tashkil etildi;

– kutubxona faoliyatini Maktab hisobidan yanada rivojlantirish maqsadida homiylar hisobidan 96ta yangi kitoblar bilan boyitildi.

– umumxalq bayramlarini nishonlash kunlarida kasb mahorati va badiiy havaskorlik boʻyicha musobaqa, tanlov va tadbirlar uyushtirildi.

10.2. Xodimlar va ularning oila aʼzolari oʻrtasida sogʻlom turmush tarzini targʻibot qilish maqsadida:

– jismoniy tarbiya va sport bilan shugʻullanish uchun moddiy va boshqa sharoitlar yaratib berildi hamda mehnat jamoasida ishlab chiqarish gimnastikasi joriy etildi;

– xodimlar oʻrtasida spartakiadalar va sport turlari boʻyicha musobaqalar uyushtirildi.

 

  1. AYOLLAR mehnatini tartibga solish. ayollar VA OILAVIY VAZIFALARNI BAJARISH BILAN MASHGʻUL SHAXSLARGA BERILADIGAN QOʻSHIMCHA imtiyozlar va KAFOLATLAR

11.1. Oʻzbekiston Respublikasi Mehnat kodeksining quyidagi moddalarida nazarda tutilgan kafolatlarga rioya etilib va imtiyozlar berib kelindi:

  1. a) homilador ayollar uchun (78, 84, 224, 237, 228, 229, 143, 231, 233-moddalari);
  2. b) ikki yoshga toʻlmagan bolasi bor ayollar uchun (143, 227, 234, 236-moddalari);
  3. v) uch yoshga toʻlmagan bolasi bor ayollar uchun (78, 84, 150, 224, 228, 228I, 234, 237-moddalari);
  4. g) oʻn ikki yoshga toʻlmagan ikki va undan ortiq bolasi yoki oʻn olti yoshga toʻlmagan nogiron bolasi bor ayollar uchun (150, 232-moddalari);
  5. d) oʻn olti yoshga toʻlmagan nogiron bolani tarbiyalayotgan ota-onaning biri (vasiy, homiy) uchun (230-modda);
  6. ye) oʻn toʻrt yoshga toʻlmagan bolasi yoki oʻn olti yoshga toʻlmagan nogiron bolasi bor ayollar uchun (68, 144, 228, 229-moddalari);
  7. j) onasiz bolalarni tarbiyalayotgan shaxslar uchun(235, 238-moddalari);

11.2. Uch yoshga toʻlmagan bolalari bor 3 nafar ayolga 1 soatga qisqartirilgan ish kuni belgilab qoʻyildi;

11.3. Sakkiz yoshgacha farzandi boʻlgan 3 nafar ayolning iltimosiga koʻra, oyda 1 kundan iborat ish xaqi saqlanmaydigan dam olish kuni berildi;

11.4. Ayollar uchun shaxsiy gigiyena xonalari tashkil etildi.

11.5. Ikki yoshgacha farzandi boʻlgan 2 nafar ayolga bolani ovqatlantirish uchun har uch soatda 30 daqiqadan tanaffus berildi. Bolani ovqatlantirish uchun beriladigan tanaffuslar ish soatiga qoʻshilib, oʻrtacha ish xaqi toʻlandi.

11.6. Kasaba uyushmasi qoʻmitasi ayollar mehnat sharoitlarini yaxshilashga koʻmaklashishib bordi.

 

XII. YoSHLAR UCHUN QOʻSHIMCHA imtiyozlar va KAFOLATLAR

12.1. Maktabnning ishida va rivojlanishida yosh mutaxassislar ishtiroki samarasini yanada oshirish xamda yoshlarni ijtimoiy himoya masalasi yechimini topish maqsadida:

– Xalqaro mehnat tashkilotining 138 va 182-Konvensiyalariga binoan ishga qabul qilish uchun eng kichik yoshga rioya etish xamda bolalar mehnatining ogʻir shakllarini taqiqlash yuzasidan aniq maqsadga yoʻnaltirilgan ish olib borildi;

– yoshlar bilan ishlash boʻyicha kompleks dastur va uni amalga oshirish tadbirlari ishlab chiqildi;

– yosh mutaxassislar kengashi tuzildi;

– yosh oilalar aʼzolari boʻlmish xodimlarga har taraflama yordam koʻrsatildi.

12.2. Oʻzbekiston Respublikasi Mehnat kodeksining quyidagi moddalarida nazarda tutilgan kafolatlarga rioya etilib va imtiyozlar berib kelindi:

  1. a) oʻn sakkiz yoshga toʻlmagan xoldimlar uchun (135, 143, 144, 202, 203, 214, 239, 240, 241, 242, 243, 244, 245, 246-moddalar);
  2. b) ishni taʼlim bilan birga koʻshib olib borayotgan xodimlar uchun (103, 143, 144, 249, 250, 251, 252, 253, 254, 255, 256, 257-moddalar);
  3. v) taʼlim muassasalarini bitirgan xodimlar uchun (68, 103-moddalar).

12.3. Ishga kelgan yosh mutaxassislarga Oʻzbekiston Respublikasida oʻrnatilgan eng kam ish xaqining bir baravari miqdorida bir martalik toʻlov berildi.

12.4. Taʼlim muassasalarida ishlab chiqarishdan ajralmagan holda oʻkib, oʻkuv rejasini bajarayotgan 2 nafar xodimga Oʻzbekiston Respublikasi Mehnat kodeksida belgilanganiga qoʻshimcha imtiyozlar berildi.

XIII. MEHNAT NIZOLARINI HAL ETISH

13.1. Bahslashuvlar oʻzaro ishonch va hurmat bilan, Oʻzbekiston Respublikasi qonun xujjatlari asosida hal etildi.

13.2. Yakka tartibdagi mehnat nizolari va ziddiyatlarni koʻrib chiqish uchun 6 nafar aʼzodan tashkil topgan (har tarafdan uchtadan) ish beruvchi va kasaba uyushmasi qoʻmitasi tomonidan mehnat nizolari komissiyasi tuzildi.

13.3. Mehnat nizolarikomissiyasiga xona, jihozlar, kanselyariya mollari, tashkiliy texnika ajratildi.

XIV. IJTIMOIY ShERIKLIK. KASABA UYUSHMASI FAOLIYATINING KAFOLATLARIGA RIOYA ETILISHI

14.1. Ish beruvchi va Kasaba uyushmasi qoʻmitasi oʻzaro munosabatlarida ijtimoiy sherikchilik, hamkorlik, oʻzaro manfaatlarni hurmat qilish tamoyillariga hamda Oʻzbekiston Respublikasi Konstitutsiyasi, Mehnat kodeksi va boshqa qonun hujjatlariga amal qildilar.

14.2. Ish beruvchi Oʻzbekiston Respublikasining amaldagi qonun hujjatlariga, shuningdek Oʻzbekiston Respublikasi tomonidan ratifikatsiya qilingan xalqaro shartnomalar hamda Xalqaro mehnat tashkilotining konvensiyalariga binoan kasaba uyushmasining huquqlariga rioya qilib, uning faoliyatiga har tomonlama koʻmaklashib bordi.

14.3. Ish beruvchi Maktabda xodimlarning yagona vakillik organi sifatida Kasaba uyushmasi qoʻmitasinitan oldi.

14.4. Kasaba uyushmasi aʼzolarining yozma arizalari asosida kasaba uyushmasi aʼzolik badallari Maktab buxgalteriyasi orqali pul oʻtkazish yoʻli bilan toʻlanib borildi.

14.5. Ish beruvchi:

  1. a) jamoa shartnomasiga kirmagan ijtimoiy-iqtisodiy masalalar boʻyicha qarorlar qabul qilishdan oldin Kasaba uyushmasi qoʻmitasi bilan oldindan kelishib olish amallarini koʻrdi;
  2. b) Kasaba uyushmasi qoʻmitasi talab qilganda unga mehnat hamda ijtimoiy-iqtisodiy rivojlanish bilan bogʻliq masalalar yuzasidan maʼlumotlar taqdim etib bordi;
  3. v) Kasaba uyushmasi qoʻmitasining ustavda belgilangan faoliyatini amalga oshirish uchun uni xonalar, transport, tashkiliy texnika, aloqa vositalari, kanselyariya mollari bilan bepul taʼminladi.

14.6. Kasaba uyushmasi qoʻmitasi:

  1. a) Maktabning ijtimoiy va iqtisodiy rivojlanish dasturlarini bajarilishiga koʻmaklashish, bu borada xodimlar tashabbusi va ijodiyotini qoʻllab-quvvatlash va rivojlantirish;
  2. b) ish xaqi toʻlanishi, jamoa shartnomasi boʻyicha qoʻshimcha toʻlovlar berilishi toʻgʻriligini, shuningdek mehnat muhofazasi va xavfsizlik texnikasi sharoitlarini yaxshilash boʻyicha tadbirlar bajarilishini nazorat qilish;
  3. v) mehnat toʻgʻrisidagi qonunlar ijrosini nazorat qilish, xodimlar huquqiy savodhonligini yuksaltirishga koʻmaklashish;
  4. g) kasaba uyushmasi aʼzolarining mehnat qilish huquqini himoya qilish;
  5. d) ish joylaridagi mavjud kamchiliklarni oʻz vaqtida bartaraf etilishiga erishish va ish joylarini mehnat muhofazasi, xavfsizlik texnikasi va sanoat sanitariyasi qoidalari talablariga muvofiq xolatga olib kelish borasida ish beruvchi tomonidan tegishli choralar koʻrilishini talab qilish;
  6. ye) xodimlar va ularning oila aʼzolarini dam olishi va sogʻlomlanishi uchun xodimlarning arizalarini tegishli sogʻlomlashtirish maskanlariga yoʻllanmalar bilan Oʻzbekiston kasaba uyushmalari Federatsiyasi Kengashi tomonidan tasdiqlangan meʼyorlar doirasida taʼminlash;
  7. j) Maktabda mehnat va turmush sharoitlari ahvolining jamoat nazoratini tashkil qilish va amalga oshirish;
  8. z) kasaba uyushmasi aʼzolari orasida mehnat intizomini mustahkamlashga qaratilgan tushuntirish va tashkiliy ishlarni olib borish, mojarolarga olib keluvchi vaziyatlarni oldini olishga qaratilgan choralar koʻrish;
  9. i) har xil tanlovlar, sport musobaqalari gʻoliblarini taqdirlar uchun ragʻbatlantiruvchi sovgʻalar va mukofotlar taʼsis etish;
  10. k) kasaba uyushmalari Federatsiyasining “Ishonch”, “Ishonch-Doveriye” gazetalariga obunani taʼminlash ishlarini olib bordi.

14.7. Xalqaro mehnat tashkilotining “Korxonalarda mehnatkashlar vakillarining huquqlarini himoya qilish va ularga beriladigan imkoniyatlar toʻgʻrisida”gi 135-Konvensiyasiga, shuningdek Oʻzbekiston Respublikasi Adliya vazirligida 1995-yil 18-dekabrda 196-raqam bilan roʻxatga olingan “Mehnat muhofazasi boʻyicha vakil haqida Nizom”ning 12-bandiga binoan xodimlarning quyidagi toifalari jamoa shartnomasi maqsadlarida Mehnatkashlar vakillari deb eʼtirof etildilar:

  1. a) saylab qoʻyiladigan kasaba uyushmasi organlari aʼzolari (7 nafar);
  2. b) mehnatni muhofaza qilish boʻyicha vakillar (4 nafar);
  3. v) mehnat nizolari komissiyasining aʼzolari (6 nafar);

14.8. Ishlab chiqarishdagi asosiy ishidan ozod qilinmagan Mehnatkashlar vakillariga jamoatchilik ishlarini bajarish uchun har haftada ikki soatdan boʻsh vaqt berildi va bu davr uchun ularga oʻrtacha ish haqi saqlab qolindi.

14.9. Ishlab chiqarishdagi asosiy ishidan ozod qilinmagan Mehnatkashlar vakillariga intizomiy jazo choralarini qoʻllash, ular bilan Ish beruvchi tashabbusiga koʻra mehnat shartnomasini bekor qilish amallari qoʻllanilmadi.

  1. JAMOA SHARTNOMASI BAJARILISHINI NAZORAT QILISH

15.1. Jamoa shartnomasi bajarilishini tekshirib boruvchi komissiya tuzildi.

15.2. Yilda bir marotaba jamoa shartnomasi bajarilishi yuzasidan tekshiruv oʻtkazib borildi.

15.3. Taraflar tarmoq (tarif), hududiy (mintaqaviy), hududiy-tarmoq kelishuvlarini tan olib ularni bajarish majburiyatini oʻz zimmalariga oldilar.

15.4. Kasaba uyushmasi qoʻmitasi, jamoa shartnomasi loyihasini maʼqullash yuzasidan chaqiriladigan mehnat jamoasining umumiy yigʻilishi (konferensiyasi)dan oldin uning loyihasini ekspertiza uchun yuqori turuvchi kasaba uyushmasi organiga taqdim etdi.

15.5. Jamoa shartnomasi imzolangandan soʻng, taraflar uni roʻyxatdan oʻtkazish uchun yuqori turuvchi kasaba uyushmasi organiga taqdim etdilar.

15.6. Jamoa shartnomasi imzolangandan soʻng, tomonlar uni bajarilishi boʻyicha tadbirlar rejasi, masʼullar va muddatlarini belgilab oldilar.

15.7. Jamoa shartnomasining matni va ilovalari bilan xodimlar Maktabning xodimlar boʻlimida, mehnat muxofazasi boʻlimlarida hamda Kasaba uyushmasi qoʻmitasida tanishtirildilar.

XVI. JAMOA SHARTNOMASI MAJBURIYATLARINING BUZILISHI YOKI ULARNI BAJARMASLIK UCHUN JAVOBGARLIK

16.1. Jamoa shartnomasida belgilangan shartlar bajarilmaganligi yoki toʻliq bajarilmaganligi haqida taraflarning birontasi boshqa tarafga taqdimnoma bermadi.

XULOSA

Jamoa shartnomasiga kiritilgan 16 ta boʻlimning 86 ta bandidan 85 tasi bajarildi.

Shartnomaning 4.12-bandi toʻliq bajarilmadi, yaʼni 12 nafar xodimga taʼtillar uchun haq toʻlash jamoa shartnomasida belgilangan muddatlarda amalga oshirilmadi.

 

Komissiya quyidagilarni tavsiya etadi:

  1. Xiva tumanidagi 38-maktab direktori va kasaba uyushmasi qoʻmitasi oʻrtasida 2011-yil uchun mehnatni muhofaza qilish boʻyicha bitimni ishlab chiqish, tasdiqlash, jamoa shartnomasiga kiritish va bajarilishini taʼminlash;
  2. Xodimlarning taʼtil pullari oʻz vaqtida toʻlanishi uchun direktor va kasaba uyushmasi qoʻmitasi tomonidan birgalikda zarur choralar koʻrilishini taʼminlash.

Komissiya raisi

K.Gʻoyibnazarova                                                              (imzo)

 

Komissiya aʼzolari:

Z.Sharipova                                                                      (imzo)

R.Ollamov                                                                        (imzo)

A.Qosimova                                                                       (imzo)

P.Odilov                                                                          (imzo)

M.Komilova                                                                       (imzo)

Print Friendly, PDF & Email