Farg’ona IEMda navbatdagi sayyor qabul o‘tkazildi

“Farg’ona IEM”da ishchi-xodimlarni ijtimoiy jihatdan qo‘llab-quvvatlash, mavjud muammolarni joyiga chiqqan holda o‘rganish, hal etilishini ta’minlash maqsadida Oʻzbekiston energetika, neft-gaz va geologiya xodimlari kasaba uyushmasi Respublika Kengashi raisi oʻrinbosari S.Egamberdiyev va “IES” AJ Birlashgan kasaba uyushmasi qoʻmitasi raisi A.Rustamovlar ishtirokida korxona ishchi-xodimlari va mehnat muhofazi vakillari uchun sayyor qabul o‘tkazildi.

Qabulda ishchi-xodimlarning ijtimoiy-huquqiy masalalardagi bir qator murojaatlari eshitildi. Murojaatlar tegishli mutaxassislar ishtirokida ko‘rib chiqildi va ijobiy hal etish bo‘yicha qat’iy ko‘rsatmalar berildi.

Sayyor qabul yakunida ishchi guruhi a’zolari elektr stansiyada xodimlarga yaratilayotgan mehnat sharoitlari, mehnatga haq to‘lash, xotin-qizlar va yoshlarga imkoniyatlar yaratish bo‘yicha qilinayotgan ishlar bilan ham yaqindan tanishdilar.