“Andijon HETK” AJ “Keksalar haftaligi” xayriya tadbirida faol ishtirok etmoqdalar

O’zbekiston Respublikasi Vazirlar Mahkamasining “Keksa avlod vakillarining jamiyatdagi oʻrni va ijtimoiy faolligini yanada oshirish chora-tadbirlari toʻgʻrisida” 2019-yil 27-sentyabrdagi 816-son qaroriga asosan, keksa avlod vakillarini ijtimoiy qoʻllab-quvvatlash, jamiyatda ularning oʻrnini yanada oshirish maqsadida har yil oktyabr oyining birinchi haftasida yurtimiz miqyosida “Keksalar haftaligi”ni oʻtkazish belgilangan.

“Аndijon HETK” АJ Kasaba uyushma qoʼmitasi tomonidan joriy yilning 3-9 oktyabr kunlari “Keksalarni eʼzozlash,ularga hurmat –ehtirom koʼrsatish – xalqimizga xos ezgu fazilat” degan gʼoya ostida boʼlib oʼtadigan haftalik doirasida nuroniylarning holidan xabar olish, ularni maʼnaviy va jismoniy qoʼllab-quvvatlash, hurmat-ehtirom koʼrsatish va eʼzozlash boʼyicha chora-tadbirlar amalga oshirilmoqda.

Jamiyat mas’ul xodimlari tomonidan fidokorona mehnat qilib, hozirda keksalik gashtini surayotgan mehnat faxriylarining xonadonlariga tashrif buyurib, holidan xabar olindi.

“Keksalar haftaligi”doirasidagi xayriya tadbirlari davom etadi.