«Buxoro NQIZ» kasaba uyushmasi tomonidan qadimiy Xiva shahriga sayohat tashkil etildi

«Buxoro NQIZ» kasaba uyushmasi tomonidan 50 nafar ishchi xotin-qizlari uchun 11-12 mart kunlari Respublikamizning tarixiy shaharlaridan biri bo‘lmish Xiva shahriga ekskursiya tashkil etildi. Sayohatchilar «Khorezm palace» mehmonxonasiga joylashtirilib, ular uchun barcha shart-sharoitlar yaratildi.

Sayohat davomida hamkasblarimiz Xiva shahrining diqqatga sazovor joylari Ichan Qal’a turistik majmuasida, Niyoz Muhammad Oxunbobo jome’ masjidida, Ulli hovli qal’asi va ko‘p yillik tarixni o‘zida aks ettiruvchi me’moriy ob’ektlar va qadimiy yodgorliklarni yaqindan ko‘rish imkoniyatiga ega bo‘ldilar. Qadimiy Xivaning yanada go‘zal va maftunkor manzilgohlari, madrasa, maqbara, minora va zamonaviy majmualarini tomosha qilish orqali tarix va kelajak nafasini his qildilar.