XOTIRA VA QADRLASH KUNI MUNOSABATI BILAN ZIYORAT SAYOHATI TASHKIL ETILDI

9-may — Xotira va qadrlash kuni munosabati bilan gaz ta’minoti sohasida uzoq yillar samarali mehnat qilgan faol faxriylar uchun Samarqand shahri bo‘ylab ziyorat sayohati tashkil etildi.

Mazkur tashabbus “Hududgaz Surxondaryo” gaz ta’minoti filiali kasaba uyushmasi tomonidan ichki turizmni rivojlantirish, faxriylarni e’zozlash hamda ularning ko‘nglini ko‘tarish maqsadida amalga oshirildi.

Sayohat davomida ishtirokchilar muqaddas qadamjolar va tarixiy obidalarni ziyorat qilib, yurtimizning boy madaniy merosi bilan yaqindan tanishdilar. Bu kabi tadbirlar faxriylarni qadrlash, ularga hurmat va e’tibor ko‘rsatishning amaliy ifodasi bo‘lib xizmat qilmoqda.