«Hududgazta’minot» AJ «Hududgaz Navoiy» gaz ta’minoti filiali direktori, boshlang‘ich kasaba uyushmasi qo‘mitasi hamda xotin-qizlar raisi tashabbusi bilan 2026-yil 20-noyabr kuni korxonada faoliyat yuritayotgan 50 nafar xotin-qiz uchun Toshkent shahriga ma’naviy-ma’rifiy sayohat tashkil etildi.

Sayohat davomida xotin-qizlarimiz muhtaram Prezidentimiz Shavkat Mirziyoyev tashabbuslari asosida barpo etilgan Islom sivilizatsiyasi markazi, shuningdek, poytaxtimizning tarixiy obidalari va madaniy maskanlari bilan yaqindan tanishishlari rejalashtirilgan.

Ushbu ezgu tashabbus xotin-qizlarning madaniy hordiq chiqarishi, ma’naviy dunyoqarashini boyitishi, milliy va tarixiy merosimizga bo‘lgan hurmatini yanada yuksaltirishga xizmat qiladi.

Zero, ayollarga ko‘rsatilgan har bir e’tibor — ularning qalbiga quvonch, jamiyatga esa fayz va baraka bag‘ishlaydi!

 

Print Friendly, PDF & Email