“Jomboytumangaz” gaz ta’minoti bo‘limi xodimlari uchun o‘quv-seminar tashkil etildi.

✅“Hududgaz Samarqand” gaz taʼminoti filiali tomonidan “Jomboytumangaz” gaz taʼminoti bo‘limi xodimlari uchun o‘quv-seminar tashkil etildi.
✅Mazkur seminar ishchi-xodimlarning huquqiy bilimlarini oshirish, mehnat munosabatlarini yanada mustahkamlash hamda sohada ochiqlik va shaffoflikni taʼminlash maqsadida o‘tkazildi. Unda filial kasaba uyushma qo‘mitasi raisi tomonidan jamoa shartnomasining mazmun-mohiyati, xodimlarning ijtimoiy himoyasi, shuningdek, gaz taʼminoti tizimida korrupsion holatlarga yo‘l qo‘ymaslik bo‘yicha atroflicha tushunchalar berildi va amaliy tavsiyalar taqdim etildi.
✅ Shuningdek, seminar davomida filialning mehnatni muhofaza qilish, ekologiya va sanoat xavfsizligi bo‘limi boshlig‘i Jasur Jumanov so‘zga chiqib, aholining is gazidan zaharlanish holatlarining oldini olish, bu borada targ‘ibot-tashviqot ishlarini kuchaytirish hamda ishchi-xodimlar tomonidan texnika xavfsizligi qoidalariga qatʼiy rioya etish masalalariga alohida to‘xtalib o‘tdi. Ushbu yo‘nalishlarda doimiy ogohlik va masʼuliyat muhimligi taʼkidlandi.