JAMOA SHARTNOMASI: XODIMLAR MANFAATI VA IJTIMOIY HIMOYA USTUVOR VAZIFA

“Hududiy elektr tarmoqlari” AJ Jizzax hududiy filialida ma’muriyat va kasaba uyushmasi qo‘mitasining qo‘shma yig‘ilishi bo‘lib o‘tdi. Unda 2023-2025-yillarga mo‘ljallangan Jamoa shartnomasining 2025-yil yakunlari sarhisob qilindi hamda kelgusi uch yillik uchun yangi strategik hujjat tasdiqlandi.

Tadbirda faxriy mehmonlar ishtirok etishdi:
Ismoilov Oybek Isanovich — O‘zbekiston energetika xodimlari kasaba uyushmasi Respublika Kengashi raisi o‘rinbosari;

Cho‘tonov Sharofiddin — O‘zbekiston kasaba uyushmalari federatsiyasi Jizzax viloyat kengashi bo‘lim boshlig‘i.

Sifatli yakun: 2025-yil yakuniga ko‘ra, eski shartnomadagi barcha ijtimoiy majburiyatlar to‘liq bajarilgani qayd etildi.

Yangi bosqich: 2026-2028-yillarga mo‘ljallangan yangi Jamoa shartnomasi bir ovozdan ma’qullanib, tasdiqlandi.

Imtiyozlar ko‘lami: Yangi shartnomada xodimlarning mehnat muhofazasi, moddiy rag‘batlantirish, sog‘ligini tiklash va yosh mutaxassislarni qo‘llab-quvvatlash kabi masalalarga alohida urg‘u berildi.

Mehmonlar o‘z so‘zlarida energetika tizimi xodimlarining mashaqqatli mehnatini munosib baholash va ularning ijtimoiy himoyasini kuchaytirishda ushbu shartnoma asosiy poydevor ekanligini ta’kidlab o‘tdilar.