Jamoa shartnomasi bo‘yicha targ‘ibot tadbiri tashkil etildi

✅“Hududgaz Samarqand” gaz ta’minoti filiali boshlang‘ich kasaba uyushmasi tomonidan 2026 yil 15 may kuni «Samarqandshahargaz» GTB jamoa shartnomasiga bag‘ishlangan targ‘ibot uchrashuvi tashkil etildi.

✅Tadbir davomida “Hududgazta’minot” AJning 2026–2028-yillarga mo‘ljallangan jamoa shartnomasining mazmun-mohiyati, unda belgilangan asosiy bo‘lim va bandlar, shuningdek ilovalarda ko‘zda tutilgan muhim yo‘nalishlar yuzasidan batafsil tushuntirishlar berildi.

👨‍💼Shu bilan birga, xodimlar uchun nazarda tutilgan imtiyozlar, mehnat muhofazasi talablariga rioya etish, mehnat shartnomasini buzish bilan bog‘liq huquqiy oqibatlar, ichki mehnat tartib-qoidalari hamda korrupsiyaning oldini olish masalalariga alohida e’tibor qaratildi.

✅Uchrashuv yakunida ishtirokchilar tomonidan mehnat munosabatlariga oid berilgan savollarga mutaxassislar tomonidan atroflicha va asosli javoblar berildi.