“O‘zbekko‘mir” AJ “Koinot” bolalarni sog‘lomlashtirish oromgohida yangi mavsunning tantanali ochilish marosimi bo‘lib o‘tdi

Tadbirda oromgohga dam olish uchun tashrif buyurgan bolajonlar tomonidan qiziqarli sahna ko‘rinishlari, raqs va musiqiy chiqishlar namoyish etildi.

Shuningdek, taniqli xonandalar ishtirokida konsert dasturi tashkil etilib, bolalarga ko‘tarinki kayfiyat ulashildi. Qiziqarli o‘yinlar, bellashuvlar va ko‘ngilochar tadbirlar bayramga yanada fayz bag‘ishladi.

Tadbir yakunida bolajonlarga maroqli hordiq, yangi do‘stlar va unutilmas taassurotlarga boy yozgi mavsum tilandi. “Koinot” oromgohi bu yil ham yuzlab bolalarning mazmunli dam olishi uchun o‘z eshiklarini ochdi.