“FARG’ONA HUDUDIY ELEKTR TARMOQLARI KORXONASI” AJDA MAS’ULLAR ISHTIROKIDA XOTIN-QIZLAR JAMOATCHILIK KENGASHINING UMUMIY YIG‘ILISHI BO’LIB O’TDI

Yurtimizda Prezidentimizning tashabbuslari bilan oila va uning tayanchi bo‘lgan xotin-qizlarga yaratib berilayotgan sharoit va ko‘rsatilayotgan e’tibor barchani birdek quvontirmoqda.

Jumladan, jamiyatda hotin-qizlarning huquq va qonuniy manfaatlarini himoya qilish, ularning iqtisodiy, ijtimoiy-siyosiy faolligini oshirish, gender tenglik kafolatlarini ta’minlash, ilmiy faoliyatlarga keng jalb qilish, xotin-qizlarning ta’lim va kasbiy ko‘nikmalar olishlari, munosib ish topishlariga har tomonlama ko‘maklashish, iqtidorli yosh xotin-qizlarni aniqlash va ularning qobiliyatini to‘g‘ri yo‘naltirish, gender tenglikni ta’minlash siyosatini davom ettirish borasida qator amaliy ishlar olib borilmoqda.

“Farg’ona hududiy elektr tarmoqlari korxonasi” AJda jamiyatda mexnat qilayotgan xotin-qizlar ishtirokida bo’lib o’tgan navbatdagi yig’ilishda bir qator masalalar o’rtaga tashlandi.

Dastlab, ishtirokchilarga Prezidentimizning joriy yil 7–mart kungi Oila va xotin-qizlarni tizimli qo‘llab-quvvatlashga doir ishlarni yanada jadallashtirish chora-tadbirlari to‘g‘risida”gi Qarori mazmun mohiyati tushuntirib o’tildi.

Bundan tashqari, “Hududiy elektr tarmoqlari” AJning 2022 yil 20 iyuldagi ko‘rsatmasi bilan O‘zbekiston Respublikasi Vazirlar Mahkamasining Oila va xotin-qizlar masalalari kotibiyati taqdim etgan Nizomga asosan jamiyatda xotin-qizlar jamoatchilik Kengashi tugatilib, Xotin-qizlar masalalari bo‘yicha boshlang‘ich tashkiloti tuzildi.

Unga ko’ra ishtirokchilar bir ovozdan jamiyatning Iste’molchilar bilan ishlash bo’limi yetakchi muhandisi Parpiyeva Nasiba Ne’matovna boshlang‘ich tashkilot raisiligiga tayinlandi