28-APREL — BUTUNJAHON MEHNATNI MUHOFAZA QILISH KUNI! | O'zbekiston energetika, neft-gaz va geologiya xodimlari kasaba uyushmasi Respublika Kengashi

Xalqaro mehnat tashkiloti tashabbusi bilan bu sana 2003-yildan buyon nishonlab kelinadi. Shu kuni 100 dan ortiq davlatlarda dunyo hamjamiyatini ish joylarida sodir bo‘layotgan baxtsiz hodisalar va kasb kasalliklariga chalinishining oldini olish hamda mehnat muhofazasi masalalariga eʼtiborni yanada kuchaytirishga qaratilgan tadbirlar o‘tkaziladi. Shu jumladan Samarqand magistral gaz quvurlari boshqarmasida butunjahon mehnatni muhofaza qilish kuni munosabati bilan o`quv seminari o`tkazildi.

Seminarga kambag`allikni qisqartirish va bandlik bosh boshqarmasi Davlat mehnat inspeksiyasi davlat texnik nazoratchisi U.S. Ulug`murodov, Z.X. Achilov va O`zbekiston kasaba uyushmalar Federatsiyasi Samarqand viloyat kengashi mehnatni muhofaza qilish yetakchi mutaxassisi O.R. Mizomovlar taklif qilindi.

Mehnatni muhofaza qilish bu — mehnat qilish jarayonida insonning xavfsizligini, hayotini, sog‘lig‘i va ish qobiliyatini saqlab qolinishiga qaratilgan tadbirlarni bajarilishi orqali taʼminlanishi bo`yicha xodimlarga tushintirib o`tildi. Bularga huquqiy, ijtimoiy-iqtisodiy, tashkiliy, texnikaviy, sanitariya-gigiyenik, davolash-profilaktika va boshqa shunga o‘xshash tadbirlar kiradi.