“Kasaba uyushmasi kubogi” sport musobaqasi bo’lib o’tdi

“IES” AJ birlashgan kasaba uyushmasi qo’mitasi tomonidan 11-noyabr-Kasaba uyushmalari kuni munosabati bilan «Inson qadri uchun, el-yurt baxti uchun» shiori ostida joriy yilning 29-oktabr-1-noyabr kunlari Issiqlik elektr stansiyalari tizim korxonalarida mehnat qilayotgan ishchi-xodimlar o‘rtasida “Kasaba uyushmasi kubogi” tashkil etildi.  

Musobaqada ishchi xodimlar sportning mini-futbol turi bo’yicha Respublika bosqichida o’zaro kuch sinashdilar.

Murosasiz kechgan bahslar so‘ngida quyidagi natijalar qayd etildi.

1-o’rin «Talimarjon IES» AJ jamoasi

2-o’rin Farg’ona IEM jamoasi

3-o’rin «Angren IES» AJ jamoasi

Toshkent viloyatidagi Crystal dam olish maskanida bo’lib o’tgan ushbu musobaqa davomida ishtirokchilar uchun mehnat muhofazasi bo’icha o’quv seminar ham tashkil etildi. Seminarni tarmoq kasaba uyushmasi Respublika Kengashi bosh mehnat texnik inspektori S.Saidmaxmudov olib bordi.

31-oktabr kuni esa musobaqa g’oliblarini tantanali taqdirlash marosimi bo’lib o’tdi. Ushbu marosimda O’zbekiston Energetika, neft-gaz va geologiya xodimlari kasaba uyushmasi Respublika Kengashi raisining birinchi o’rinbosari S.To’xtayev, ishlar boshqaruvchisi Z.Avezov va “Issiqlik elektr stansiyalari” AJ Birlashgan Kasaba uyushmasi qo‘mitasi raisi A.Rustamovlar ishtirok etishdi hamda g’olib va sovrindorlarga esdalik sovg’alarini topshirishdi.

O‘zbekiston energetika, neft-gaz va geologiya xodimlari kasaba uyushmasi Respublika Kengashi matbuot xizmati