«O‘ZLITINEFTGAZ» AJda Navro‘z bayrami nishonlandi

«O‘ZLITINEFTGAZ» aksiyadorlik jamiyatida bahor va yangilanish bayrami — Navro‘z munosabati bilan bayram tadbiri tashkil etildi.

Ertalabdan jamiyat binosida bayramona muhit yaratilib, xodimlar tabriklar, milliy kuy-qo‘shiqlar va turli shirinliklar bilan kutib olindi. Bayram munosabati bilan an’anaviy taom — sumalak tarqatildi.

Tadbir doirasida ijodiy jamoalar ishtirokida konsert dasturi tashkil etilib, u yig‘ilganlarga iliq kayfiyat va bayramona ruh ulashdi.

Navro‘z bayrami milliy an’analarni asrash, jamoada birdamlikni mustahkamlash va madaniy qadriyatlarga hurmatni yana bir bor namoyon etdi.