Oʻzenergoinspeksiya xodimlari o‘rtasida sport musobaqasi o‘tkazildi

Oʻzenergoinspeksiya xodimlari o‘rtasida mini futbol, shaxmat va stol tennisi bo‘yicha “Oʻzenergoinspeksiya boshlig‘i kubogi” musobaqasi o‘tkazildi.

Mazkur musobaqa xodimlar o‘rtasida sog‘lom raqobat muhitini mustahkamlash, jamoaviy birdamlikni kuchaytirish va sportni ommalashtirish maqsadida tashkil etildi.

Bellashuvlar davomida ishtirokchilar mini futbol, shaxmat va stol tennisi yo‘nalishlarida o‘z mahoratlarini namoyish etdilar. Qizg‘in va murosasiz kechgan o‘yinlar haqiqiy sport bayrami ruhida o‘tdi.

Mini futbol bo‘yicha musobaqa yakunida Samarqand viloyat hududiy boshqarmasi jamoasi g‘oliblikni qo‘lga kiritdi. G‘olib va sovrindor jamoalar esdalik hamda qimmatbaho sovg‘alar bilan taqdirlandilar.