💠Xalqaro muzeylar kuni munosabati bilan “Ochiq eshiklar kuni” tadbiri o‘tkazildi.

Xalqaro muzeylar kuni munosabati bilan joriy yilning 18-may kuni “Geologiya muzeyi” davlat muassasasida “Ochiq eshiklar kuni” tadbiri tashkil etildi.

Mazkur tadbirda “Neft va gaz konlari geologiyasi hamda qidiruvi instituti” davlat muassasasi xodimlari ham ishtirok etib, muzey faoliyati hamda noyob geologik eksponatlar bilan yaqindan tanishdilar.

Tadbir davomida muzey xodimlari tomonidan ishtirokchilar uchun ekskursiya tashkil etilib, geologiya sohasi tarixi, foydali qazilmalar, nodir minerallar va geologik namunalar haqida batafsil ma’lumotlar berildi.

Mazkur tashrif xodimlarning geologiya sohasiga oid bilimlarini yanada boyitish hamda tarixiy va ilmiy merosga bo‘lgan qiziqishini oshirishga xizmat qildi.