30-iyun – Yoshlar kuni munosabati bilan “Angren IES” AJ xodimlari o‘rtasida shaxmat va shashka bo‘yicha musobaqa o‘tkazildi

Tadbir korxonada yoshlar faolligini oshirish, sog‘lom turmush tarzini targ‘ib qilish hamda jamoaviy ruh va hamjihatlikni mustahkamlash maqsadida tashkil etildi.

Musobaqada turli bo‘limlardan ishtirokchilar o‘zaro aql-zakovat va mantiqiy fikrlash bo‘yicha bellashib, mazkur o‘yinlarida kuch sinashdi.

Ishtirokchilar o‘z mahoratlarini namoyish etib, eng yaxshi natijalarni ko‘rsatishga intildilar.

Bunday tadbirlar korxona xodimlari, ayniqsa yoshlar o‘rtasida sog‘lom raqobat muhitini shakllantirish, ularning bo‘sh vaqtini mazmunli tashkil etish hamda jamoada do‘stona muhitni yanada mustahkamlashga xizmat qiladi.