30-iyun — Yoshlar kuni

✨ 30-iyun — Yoshlar kuni munosabati bilan Gazli NGQChB Kasaba uyushmasi tashabbusi bilan boshqarma yosh xodimlari uchun Qashqadaryo viloyatining so‘lim maskanlaridan biri — Miraki tog‘lariga ma’naviy-ma’rifiy sayohat tashkil etildi.

Ushbu sayohat yoshlarning bo‘sh vaqtini mazmunli o‘tkazish, jamoada hamjihatlik va do‘stona muhitni mustahkamlash, shuningdek, ularda yurtga sadoqat, yuksak ma’naviyat va faol hayotiy qarashlarni rivojlantirishga xizmat qildi.

🌿 Musaffo tog‘ havosi, betakror tabiat manzaralari va samimiy muloqotlar ishtirokchilarga unutilmas taassurotlar, ko‘tarinki kayfiyat hamda yangi energiya ulashdi.

Yoshlar — bugunning kuchi, ertangi kunning ishonchli bunyodkorlari. Ularni qo‘llab-quvvatlash va rag‘batlantirishga qaratilgan bunday tashabbuslar kelajak sari dadil qadamdir.