“Sho’rtan gaz kimyo majmuasi” MCHJda ayollar kengashining yig’ilishi bo’lib o’tdi

“Sho’rtan gaz kimyo majmuasi” MCHJ kasaba uyushmasi boshlang‘ich tashkiloti ayollar kengashi raisi Suvankulova Guljahon Usmanovna korxonada yig‘ilish o‘tkazdi. Unda xotin-qizlarga oid Prezidentimiz farmoni hamda qarorlari, hukumat qarorlari yuzasidan jamiyatda faoliyat yuritadigan xotin-qizlarga tushuntirish berilib, hujjatlarning mazmun-mohiyati va ahamiyati haqida so‘z yuritildi.

Kengash a’zolari bilan kelishilgan holda yig‘ilish qarori bilan chora-tadbirlar belgilab olindi va shunga asosan har bir sex va bo‘limlarda mehnat qilayotgan xotin-qizlar bilan uchrashib, tushuntirish ishlari olib borishi belgilandi.

Yig’ilish so’ngida xotin qizlarning fikr va mulohazalari tinglandi va ular uchun majmuada yaratiladigan imkoniyatlar bilan tanishtirildi. Xususan, Majmuada xotin-qizlarning ishdan bo‘sh vaqtlarida shug‘ullanishlari uchun har xil sport turlari bo‘yicha to‘garaklar tashkil etilmoqda. Xotin-qizlar talablariga binoan ular uchun majmuaga yaqin joyda sport maydonchasi qurib bitkazilishi arafasida.