Xalqaro mehnat tashkiloti va O’zbekiston kasaba uyushmalari Federatsiyasi tomonidan “Muborak gazni qayta ishlash zavodi”da seminar tashkil etildi

«Oʻzbekneftgaz» AJ «Muborak gazni qayta ishlash zavodi»ga Xalqaro mehnat tashkilotining Mehnatkashlar faoliyati boʻyicha byurosi Yevropa va Markaziy Osiyo sektori mudiri Sergeyus Glavaskas Oʻzbekiston kasaba uyushmalari Federatsiyasi vakillari xamkorligida tashrif buyurishdi.

“Muborak gazni qayta ishlash zavodi”da Xalqaro mehnat tashkilotining «koʻp millatli korporatsiyalar va ijtimoiy siyosatga taalluqli tamoyillar toʻgʻrisidagi uch tomonlama deklaratsiyasi» asosida kasaba uyushmalari faoliyatini yoʻlga qoʻyish” mavzusidagi hududiy seminari bo‘lib o‘tdi.

Mehmonlar tashrif davomida korxona xodimlari uchun yaratilgan sharoitlarni oʻrganishdi. Yangidan barpo etilgan «Yoshlar markazi»dagi sharoitlar bilan tanishib, ijtimoiy va mexnat munosabatlar yaxshi yo‘lga qo‘yilganligini koʻrib, korxona faoliyatini yuqori baholashdi.

O‘zbekiston energetika, neft-gaz va geologiya xodimlari kasaba uyushmasi Respublika Kengashi matbuot xizmati