🌙MUBORAK RAMAZON OYI MUNOSABATI BILAN SAXOVAT TADBIRI

🌙»Buxoro NQIZ» ma’muriyati va kasaba uyushma qo’mitasi tomonidan muborak Ramazon oyi munosabati bilan ehtiyojmand oilalarni qo’llab-quvvatlashga qaratilgan xayriya tadbiri tashkil etildi.
Tadbir doirasida 10 xil turdagi mahsulotlardan iborat to’plamlar tayyorlanib, Qorovulbozor tumanidagi «Imom Buxoriy» MFY va Buxoro shahridagi barcha MFYlarga topshirildi.
Ramazon oyi — mehr-oqibat, saxovat va bag’rikenglik oyidir. Shu muborak kunlarda ehtiyojmand oilalar holidan xabar olish, ularni qo’lab-quvvatlash insonparvarlik va hamjihatlikning yorqin ifodasidir.
🌙»Buxoro NQIZ» ma’muriyati va kasaba uyushma qo’mitasi tomonidan bunday ezgu tashabbuslar muntazam ravishda amalga oshirilib, jamoada o’zaro yordam va birdamlik muhitini mustahkamlashga alohida e’tibor qaratilmoqda.