🏛XODIMLAR UCHUN MA’RIFIY VA MADANIY TASHRIFLAR TASHKIL ETILDI

✳️“Hududgaz Surxondaryo” gaz ta’minoti filiali “Termizshahargaz” gaz ta’minoti bo‘limi xodimlari O‘rta Osiyoda yagona bo‘lgan arxeologiya muzeyiga tashrif buyurib, arxeologik qazilmalar natijasida aniqlangan noyob tarixiy topilmalar, qadimiy madaniyat va sivilizatsiyalar izlari bilan yaqindan tanishdilar.
✳️Muzey mutaxassislari tomonidan eksponatlarning kelib chiqishi, ularning tarixiy ahamiyati hamda saqlanish jarayonlari yuzasidan batafsil tushuntirishlar berildi.
✳️Mazkur tashrif xodimlarning tarixiy bilimlari va ma’naviy dunyoqarashini yanada boyitishga xizmat qiladi.