Butunjahon mehnatni muhofaza qilish kuni munosabati bilan o‘quv seminari o‘tkazildi

Unda Kambag‘allikni qisqartirish va bandlikka ko‘maklashish boshqarmasi, “O‘ztelekom” hamda “Hududiy elektr tarmoqlari” AJning Navoiy hududiy filiali vakillari qatnashdi.

Seminar davomida mutaxassislar tomonidan mehnatni muhofaza qilishga oid dolzarb masalalar keng muhokama qilindi. Xususan, ishtirokchilarga “Mehnatni muhofaza qilish to‘g‘risida”gi Qonun, Mehnat kodeksi hamda bir qator qaror talablari yuzasidan atroflicha tushuntirishlar berildi.

Ta’kidlanishicha, bunday seminarlar ish joylarida xavfsizlik madaniyatini yuksaltirish, xodimlarning bilim va ko‘nikmalarini mustahkamlashda muhim ahamiyat kasb etadi.