✅“Zukko kitobxon”lar aniqlandi!

O‘zbekiston Yoshlar ittifoqi Buxoro neftni qayta ishlash zavodi boshlang‘ich tashkiloti tashabbusi bilan zavod yoshlari o‘rtasida tashkil etilga “Zukko kitobxon” intellektual ko‘rik-tanlovi yuqori saviyada bo‘lib o‘tdi.

📖Tanlovning ilk soni O‘tkir Hoshimovning mashhur “Dunyoning ishlari” asari asosida tashkil etildi. Ishtirokchilar asarning mazmun-mohiyati, g‘oyaviy ahamiyati hamda qahramonlar obrazlarini tahlil qilish bo‘yicha o‘z bilim va salohiyatlarini namoyon etdilar.

Tanlov davomida yoshlar:
✅ “Badiiy asar bilimdoni” sharti orqali asar yuzasidan o‘z fikr-mulohazalarini bildirdilar;
✅ “Tezkor savol-javob” bosqichida esa bilim va zukkoliklarini sinovdan o‘tkazdilar.

📌Murosasiz va qizg‘in bahs-munozaralarga boy kechgan tanlov yakunlariga ko‘ra quyidagi ishtirokchilar g‘oliblikni qo‘lga kiritdilar:

🥇 1-o‘rin — To‘rayev Abdulaziz
🥈 2-o‘rin — Raximova Gavhar
🥉 3-o‘rin — Turobova Madina

🏆G‘olib va sovrindorlar tashkilotchilar tomonidan diplom hamda esdalik sovg‘alari bilan taqdirlandilar.

🌟Mazkur tanlov yoshlar orasida kitobxonlik madaniyatini rivojlantirish, mutolaa orqali tafakkurni boyitish va intellektual salohiyatni yuksaltirish yo‘lida muhim qadam bo‘ldi.Bu kabi tanlovlar davom etadi!