“Buxoro neftni qayta ishlash zavodi” MChJ da 2023-2025-yillarga moʻljallangan jamoa shartnomasining 2023-yilda bajarilishi yakunlari yuzasidan konferensiya boʻlib oʻtdi

Joriy yilning 29-mart kuni “Buxoro neftni qayta ishlash zavodi” masʼuliyati cheklangan jamiyatida 2023-2025-yillarga moʻljallangan jamoa shartnomasining 2023-yilda bajarilishi yakunlari yuzasidan konferensiya boʻlib oʻtdi.

Konferensiyada Oʻzbekiston kasaba uyushmalari Federatsiyasi apparati Mehnatkashlarning ijtimoiy-iqtisodiy manfaatlarini himoya qilish boʻlimi yetakchi mutaxassisi R.Raxmonov, Oʻzbekiston energetika, neft-gaz va geologiya xodimlari kasaba uyushmasi Respublika kengashi raisi oʻrinbosari O.Ismoilov, Buxoro viloyat kengashi raisi oʻrinbosari H.Beshimov va viloyat kengashi Mehnatkashlarning ijtimoiy-iqtisodiy manfaatlarini himoya qilish boʻlimi mudiri S.Ergashevlar ishtirok etdi.

Konferensiya kun tartibidagi masalalar yuzasidan jamiyat direktori oʻrinbosari A.Nurxanov va kasaba uyushma qoʻmitasi raisi B.Karimovlarning amaldagi jamoa shartnomasiga asosan 2023-yil davomida amalga oshirilgan ishlar toʻgʻrisidagi hisobotlari tinglandi hamda jamoa shartnomasining ijrosi konferensiya ishtirokchilari tomonidan qoniqarli deb topildi.

O‘zbekiston energetika, neft-gaz va geologiya xodimlari kasaba uyushmasi Respublika Kengashi matbuot xizmati