“Zakovat” intellektual bahslariga start berildi.

“Muborak GQIZ”da  8-mart — Xalqaro xotin-qizlar kuni munosabati bilan xotin-qizlar o‘rtasida “Zakovat” intellektual o‘yini tashkil etildi.

Mazkur bellashuvda 35 yoshgacha bo‘lgan xotin-qizlardan tashkil topgan “Navbaxor” jamoasi hamda 35 yoshdan yuqori bo‘lgan ishtirokchilardan iborat “Boychechak” jamoasi o‘zaro intellektual bahs olib bordi.

Bellashuv davomida ishtirokchilar turli sohalarga oid savollar asosida bilim, zehn va zakovatlarini namoyon etdilar. Qiziqarli va mazmunli ruhda o‘tgan ushbu intellektual o‘yin jamoada o‘zaro hamjihatlikni mustahkamlash, xotin-qizlarning intellektual salohiyatini yanada rivojlantirishga xizmat qildi.