Республика кенгашининг навбатдаги раёсат йиғилиши бўлиб ўтди.

07.01.2020 йил. Ўзбекистон энергетика ходимлари касаба уюшмаси Республика кенгашининг навбатдаги раёсат йиғилиши бўлиб ўтди.   

2019 йилдаги фаолият таҳлилига бағишланган ушбу Раёсат йиғилишида амалга оширилган ишлаб билан бирга йўл қўйилган камчиликларга ҳам алоҳида тўхталиб ўтилди.

Йиғилишда меҳнаткашларнинг ҳуқуқларини самарали ҳимоя қилиш соҳасидаги фаолиятларини танқидий жиҳатдан қайта кўриб чиқиш;

• иш ҳақидан муддати ўтган қарздорликка йўл қўймаслик чораларини кўриш;
• Ўзбекистон Республикасининг “Касаба уюшмалари тўғрисидаги” қонунининг мазмун моҳиятини корхона ва ташкилотларда кенг тарғиб қилиш;
• бугунги кунда амалга оширилаётган давлат сиёсатининг устувор йўналишлари, кенг кўламдаги ислоҳотлар моҳияти, қабул қилинган қонун ҳужжатлари ва давлат дастурларининг аҳамиятини меҳнаткашларга, айниқса ёшларга атрофлича тушунтириш ва ушбу жараёнларда касаба уюшмаларининг фаол иштирокини таъминлаш мақсадида корхона, ташкилот ва муассасаларда ўтказилаётган “Маънавият соатлари”нинг тизимлилигини ва самарадорлигини ошириш;
• касаба уюшма аъзоларининг ижтимоий-меҳнат ҳуқуқларини ифода этиш ва ҳимоя қилишда ўз ваколатлари доирасида иш берувчилар билан самарали ҳамкорлик фаолиятини олиб бориш;
• юз берган бахтсиз ҳодисалар бўйича, бахтсиз ҳодисаларни махсус ўрганиш комиссияларининг хулосалари асосида жавобгар ходимларга нисбатан интизомий ва маъмурий жазо чоралари қўлланилиб, навбатдан ташқари йўриқномалар ўтказиш устидан назоратни кучайтириш ҳамда чора-тадбирларни ишлаб чиқиш белгиланди.

Танқидий руҳда ўтказилган Раёсат йиғилишида тармоқ тизимидаги бошланғич ташкилотлар Меҳнат кодекси ва Ўзбекистон Республикасининг “Касаба уюшмалари тўғрисидаги” қонунида   хамда  меҳнат тўғрисидаги қонун ҳужжатларига, меҳнатни муҳофаза қилиш қоидаларига риоя этилишини текшириш ва назорат қилиш ваколатларидан тўлиқ фойдаланмаётганликлари, меҳнат низоларини жойида ҳал қилишга етарли эътибор қаратмаётганликлари, жамоа шартномаларини мазмун жиҳатидан янада бойитиш имкониятлари мавжуд бўлган ҳолда, ундан тўлиқ фойдаланмаётганликлари,  фаолиятимиз асосий йўналишларидан бири бўлган касаба уюмалари томонидан олиб борилаётган ишларни оммавий ахборот воситаларида ёритишда сусткашликка йўл қўйилаётганлиги таъкидланди.

Раёсат йиғилишида ишида сусткашликка йўл қўйган бир қатор бошланғич ташкилотлар фаолиятига ҳам баҳо берилиб, кун тартибидаги масалалар юзасидан тегишли қарорлар қабул қилинди.

Матбуот хизмати.